好人好事|40歲精神病女患者如孩子欠自理力 獲大埔區議員與街坊改造惡劣家居

親子 14:05 2021/01/27

分享:

大埔一名40歲女士有精神問題猶如小朋友,獨居環境惡劣,幸獲區議員及街坊幫助。

臨近過年,許多家庭開始大掃除,不過,並非每個家庭、每個人都有能力。大埔區議員何偉霖分享了一名街坊的故事,一名40歲女士有精神問題,猶如小朋友,其爸爸入住老人院,媽媽過世,她現時獨居,未能好好照顧自己,家中環境惡劣。何偉霖聯同義工及街坊幫助她,希望她能住得舒適些。

一名獨居大埔街坊家中環境亂。(圖片︰何偉霖網上工作室)

何偉霖於周一(25日) 在facebook專頁「何偉霖網上工作室」發帖文,最近,在大埔富亨社區收到街坊求助,指有位朋友家中燈膽壞了,沒有能力換,上去幫忙時見其家中環境混亂。

非常非常之亂,垃圾周圍都係,污漬處處,全屋只剩一盞燈仲着,一個身型略胖嘅女人用小朋友嘅語調講:「唔該你呀哥哥,我夜晚冇睇書好耐啦」!

    點擊圖片放大
    +8
    +7

40歲的小女孩

在傾偈時,她指著自己的頭部說自己有問題,問會否不想跟她說話,何表示︰「點會唔想吖」。由聊天中,得知該名年約40歲女士有精神問題,從對話中亦得知其父母一樣有精神問題,媽媽早幾年離世,80多歲的爸爸住老人院,現時自己一人生活,沒有太多朋友。

佢好錫佢爸爸,仲話早排生日有帶爸爸去食雲吞麵慶祝,雖然爸爸由細到大都有打佢,但爸爸都唔想,她都好愛佢嘅。

何偉霖幫忙換燈膽時,該女士很雀躍,開心可以閱讀。她予人感覺是跟小朋友沒分別,情況就是一個小朋友獨自生活,家中情況大抵可想而知。

小女孩好開心好天真咁笑住問超過十次「哥哥,我夜晚係咪可以睇書啦?」我答佢:係呀,不過唔可以睇咁夜喎,佢真係好鍾意睇書,小女孩屋企好亂,但唯獨書本放得整整齊齊喺地上,天文、地理、金庸小說、哲學、醫學、英文書、幾米,好多範疇嘅書都有。

    點擊圖片放大
    +5
    +4

家中有厚衫鋪在地上,問她原因,指地下有玻璃碎,「怕整親你哋隻腳咪鋪響地下囉」,可見得她心地善良,乖巧有禮貌。追問有何需要時,她天真爛漫表示希望整到點心食就好。

徵收二手用品大掃除改造

獨居女士的廁所、廚房,以至整間屋要「大執」才行,之後數星期,房署整水喉處理漏水問題,老街坊知道後亦有探望及煲湯予她。有時間她會到何偉霖辦事處看書,變成漂書閣常客,而同事如有時間會跟她傾偈,並教她一點生活知識。議員跟同事及義工街坊徵收免費二手用品,開始著手幫忙大掃除大改造。

女戶主感激區議員何偉霖與義工們幫忙。(圖片︰何偉霖網上工作室)

小女孩屋企已經由一個好污糟嘅屋企變咗一個好整潔嘅家,雖然各人都筋疲力盡,但睇到佢嘅笑容各人都覺得心中安慰,不過咁樣係唔夠,最重要係要教識佢生活技能、自理技能,不能令佢有依賴,佢好叻女,學得都幾好!

    點擊圖片放大
    +6
    +5

幫得一個得一個

「小女孩」正在慢慢建立自信,表示有能力之時要幫助其他人,再三多謝各位幫過她的街坊及義工!

何偉霖區議員與同事都希望幫得一個得一個,雖然單位依舊,但是內裡卻有煥然一新的感覺,盼望她能住得舒適一點,要加油,要學懂照顧自己。新年臨近,縱使環境艱難亦總要為人帶來一點樂一點溫暖。

文章獲「何偉霖網上工作室」授權刊登,原文見【按此

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

責任編輯︰顏紫燕