【欠債累累】張致恒被揭借錢不還卻豪請工人 Steven求債主放過:疫情冇工開

娛樂 16:39 2021/01/27

分享:

分享:

張致恒被爆欠下周身街數。

Boyz成員張致恒(Steven)去年被踢爆一腳踏五船,被多個舊愛狠揭舊帳,而自言婚後收心養性並會照顧妻女的Steven,獲太太雯雯力撐。但日前張致恒再被揭過去一年經常跟圈中人借錢,兼欠下一身街數,但依然有錢請工人,卻不肯還錢。

張致恒前度莊韻澄曾向傳媒哭訴,跟Steven分手後歷盡情傷,之後Steven被揭更多負面新聞,如曾多度向舊愛及同事們借錢,當中包括關智斌(Kenny)、鄭希怡、林盛斌、張彥博、馮鎵瀠(Naomi)、DJ林柏希等圈中人,其中Naomi更公開怒斥Steven有錢請外傭卻不肯還債。

【吃掉前男友】莊韻澄憶前度出軌事落淚 張致恆太太還撃:唔使提醒我老公係咩人

張致恒婚後自言已改過。(取自IG)

被爆向多名圈中人借錢

Steven今日在社交平台回應事件,指生活艱難,自己近一年更手停口停,完全沒收入,迫於無奈下向多位朋友借錢。

他指:「試過搵過好多工做過好多唔同嘅行業,因為疫情影響下被炒過好多次,我有努力工作搵錢希望可以支撐到屋企之餘仲可以還到錢畀朋友,但係而家嘅路實在太難行,工作完嘅收入都唔夠屋企開支,想淨少少錢還畀朋友都唔得,令到有好多朋友都好唔開心,我喺度要同所有借過錢畀我嘅朋友道歉。」

Steven又稱一直以來還不到錢感到很抱歉,即將日子一定會盡力去工作還錢。

點擊圖片放大
+6
+5

對於仍有錢請工人姐姐,Steven回應:「係兩年前已經請嘅,我老婆所講嘅電器係用電話儲落嚟嘅積分換嘅,兩個仔着嘅都唔係名牌,加上好多佢哋嘅玩具同衣服都係佢哋阿婆同一啲朋友買來送畀佢哋。」

【覆水難收】張致恆太太IG吐苦水 雯雯開腔回應與丈夫感情狀況

Steven感養家壓力大

他又解釋:「至於點解唔搬返觀塘住,係因為阿爸阿媽嗰度係屋邨,而我哋有三隻狗,屋邨唔畀養狗,老婆養呢三隻狗都已經五年以上,如果要搬返去住就唔可以繼續養佢哋,所以先搵村屋住。」

Steven表示養家很大壓力。(取自IG)

Steven強調要照顧家庭壓力非常大:「我亦都好努力去重新做人,只係希望大家可以畀啲機會我,同埋畀啲時間我,我一定唔會再令到大家失望!」

撰文 : TOPick柴犬出動