【兒童染髮】梁芷珮帶8歲囡囡染髮被鬧爆「變飛女」 3孩靚媽稱無染髮根︰只係扮靚過年

兒童健康 14:25 2021/02/07

分享:

分享:

梁芷珮帶8歲女兒去局部染髮,引來大批網民批評。

38歲靚媽梁芷珮(Christy)育有3名子女,一向以輕鬆方法教導,從不給予壓力。Christy有見臨近新年,帶8歲女兒Kasey去染髮,並拍片分享過程,雖然只是局部染髮,但也引來很多網民鬧爆無家教、會變飛女、心智有問題等,Christy回應稱「只係玩吓」,過年後就甩色,但部分網民仍不收貨。

梁芷珮日前在facebook專頁上載一條女兒Kasey的Vlog短片,Kasey接受局部粉紅色Highlight染髮,髮型師為她的髮尾部分塗上染髮劑,Kasey全程坐定定,可見她非常高興,最後還紮孖辮出街拍照。

點擊圖片放大
+5
+4

網民斥「怪獸家長」無家教

豈料短片一出,隨即引來兩派網民爭議,有家長網民鬧爆Christy不應帶女兒染髮,因染髮劑有化學成分,會影響健康。有人亦批評無家教,為一時之樂趣而不顧後果,更會令小朋友變飛女。

咁細個就搞咁多嘢,怪獸家長冇辦法!影響小朋友成長,到時又變成另一個飛女,返學時期嗌要染頭髮。

點擊圖片放大
+6
+5

有人又指是意識不良,不應灌輸女兒「染咗先係靚、多人讚」,難以認同此想法。不過,有網民反擊這些人太緊張,是嚴人寛己、雙重標準,「我諗邊個係怪獸,你都唔係好知」。

梁芷珮︰是天然染髮劑無染髮根

Christy接受TOPick訪問時解釋,女兒自4歲起,因為鍾意玩Barbie,覺得Barbie的頭髮粉紅色、紫色等好靚,一直都好想染髮,但太細個不適合,只讓她玩些一洗就甩的watercolor。

點擊圖片放大
+6
+5

直至現在女兒8歲留有一頭長髮,Christy原本準備帶女兒去剪髮,在髮型師介紹天然染髮劑下,可以在剪髮前染少少玩,讓女兒扮靚過新年。

隻染髮劑都好天然,唔會傷頭髮,髮型師冇幫佢染到髮根。我諗住呢排疫情冇旅行去、冇得去玩、冇得返學見同學仔,咪畀佢有啲顏色開心吓囉。

Christy坦言沒想過那麼多人留意女兒染髮,明白網民的擔憂,重申染髮劑是天然成份,且數星期後就甩色,好快會剪走頭髮。她又特別多謝粉絲的理解,並幫忙解畫,強調自己絕不會做出傷害女兒的事。

同場加映︰何基佑分享幼兒行為管教方法

TOPick登陸MeWe啦︰https://mewe.com/p/topick

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

記者︰林綺玲