【神秘入院】朱智賢自稱入院接受全身麻醉 Ashley拒透露詳情:唔係好知自己做咩

娛樂 17:18 2021/02/07

分享:

朱智賢日前入院但拒絕透露詳情。

朱智賢(Ashley)去年4月底被爆背男友謝東閔偷食人夫黎振燁,雖然朱智賢已在男友陪同下公開認錯,解釋因為拍劇未能抽離角色而出軌,可是Ashley的形象由此插水,到今仍被TVB放入雪櫃未有工作。

不過朱智賢十分樂觀積極,近期活躍於社交平台不斷出PO,當中主攻有關行山的題目,積極影相拍片放上網,有心轉型當KOL。

【小三下場】黃心穎被TVB約見談復出意向 樂易玲爆會否跟心穎解約

    點擊圖片放大
    +4
    +3

拒透露入院真相

日前,朱智賢行完屯門良田坳峽谷後,貼出一張騷長腿照稱:「話說冲涼嘅時候,突然之間發現兩隻腳(係成條腿)旁邊都有條痕,然後喺度諗係咪因為條褲壓住咗有條界呢?跟住...我突然爆笑咗出嚟,OMG﹗噚日我着咗條通窿legging行山!媽呀,依家成對腳曬到有印,好似污糟咗咁,點見人呀?然後我自己一個喺屋企笑傻咗。」

(取自IG)

可是,曾表示自己一向拍抽血的朱智賢,在前日卻突然在IG story放上一張在病床上、右手插住針的照片。

朱智賢神秘地不透露入院的真正原因,只用7個字形容「係勤力咗啲啲啫。」她的全文寫道:「唔好問我有冇事,我無事,係勤力咗啲啲啫。」而且表示雖然入院,仍堅持剪片工作,十分勤力。

(取自IG)

另外,再放上一張手掌上有藥丸的照片,寫道:「全身麻醉完,呆咗成日,唔係好知自己做咩,好累好眼瞓,然後食飽咗個胃又痛,今日呆到都唔記得問醫生問題。」

有媒體問朱智賢為何入院,可是她拒絕講真正原因。

    點擊圖片放大
    +6
    +5

而她似乎沒有大礙,因為朱智賢應已出院,她及後再上載了一張在海邊茶座的照片。

至於男友謝東閔亦在個人社交平台上載一張同一背景的照片,猜二人應一同在茶座拍拖歎茶。

同場加映:湯怡訪問

撰文 : TOPick柴犬出動