新春掃年貨|海味店第二代教揀靚+發海參 想海參發得更大條可做一件事

休閒消費 15:15 2021/02/10

分享:

海味店太子爺Henry這次會教大家揀及發海參。

臨近歲晚,又到鮑魚、海參、花膠等應節海味出動的時候。但去年受疫情影響市道低迷,市民慳得一蚊得一蚊,買年貨更變得格外精明。究竟如何在一眾矜貴海味中,選購到最靚而價錢又合心意的海味呢?這次請來開業35年的德信參茸海味行第二代掌舵人方健銘(Henry),教大家幾招揀賀年海味兼浸發貼士,輕輕鬆鬆過牛年。

Henry說海參主要分為禿參、刺參及遼參3款。(湯炳強攝)

海參主要分3種

海參主要分為禿參、刺參及遼參3款,食療功效最好是遼參,價錢相對最貴。較親民則有禿參,外形光禿禿,是餐廳最常用。

德信參茸海味行自1986年起於旺角廣東道開業,海參及花膠等款式五花八門,單是海參最少有10款以上。Henry就建議,入門可選來自斯里蘭卡及哥倫比亞海參,雖然較的式,但發起可大2至4倍。

揀選方法︰

靚海參必定是完整一條,不能有破口,因海參是動物,如有破口,肚裏的腸有機會發臭。另外遼參分為6排針及4排針,刺愈密愈上乘。

儲存方法︰

已浸發的則可分批用保鮮袋盛載放冰格急凍,每次燜煮時只需拿1包出來,方便快捷,可放逾1年。但謹記海參浸發時切忌沾油,否則會全煲發臭。

若浸發後海參未夠大條,Henry就教大家一個小貼士。

海參去肚後可放在大碗中浸清水,以保鮮紙蓋面,放進雪櫃,翌日再拿出來,海參就會變得更大條,口感更煙韌。

海參浸發前(湯炳強攝)

【浸發後】海參需浸發約3至4日,完成後體積會變大幾倍。(湯炳強攝)

浸發方法:

1.先將海參略略沖水,除去表面灰塵。

2.盛一鍋凍水,放入海參,水一定要浸過全部海參。

3.加5至6片薑後開火煲,水滾後轉中火煲15分鐘。

4.熄火,海參連水繼續放鍋裏,冚蓋焗1日。

5.第二日倒走舊薑水,再加清水及薑煲15分鐘,即是重複步驟3及4。

6.第三日如海參已變軟,可用鉸剪或小刀剖開海參肚部,用手將腸去掉,連同黏在肚內的黃色薄膜亦要刮走。

7.如第三日海參仍未變軟,可再重複步驟3及4直至軟身為止。

第三日如海參已變軟,可用鉸剪或小刀剖開海參肚部,用手將腸去掉,連同黏在肚內的黃色薄膜亦要刮走。(湯炳強攝)

另外,浸發海參的過程中,整鍋水絕對不能沾油,否則會全煲發臭。冬天天氣凍時,可1日換1次水;夏天炎熱則要1日換兩次,早晚換,以防海參發臭。

記者︰黃依情