【白色強人II】黃翠如親為好姊妹唐詩詠下廚 老公蕭正楠醋意大發隔空放閃

娛樂 17:00 2021/03/03

分享:

黃翠如親為好姊妹下廚,令老公阿蕭呷醋。

黃翠如跟唐詩詠情同姊妹,二人經常如糖黐豆般相約聚會,而唐詩詠稍後將往內地拍攝TVB新劇《白色強人II》,抵埗後要於當地隔離21日,可能知道詩詠之後會無啖好食,翠如親自為好姊妹下廚,此舉引來老公蕭正楠呷醋,又間接令「翠蕭」夫婦放閃呢。

唐詩詠日前上載跟黃翠如的合照,只見二人面前放著一碟煎腸粉,當中詩詠寫着:「我嘅朋友好好,知我去隔離,話要煮啲好嘢畀我食,原來佢係想我早啲感受一下隔離嘅日子。#似漿糊嘅腸粉、#有啲特別、#有啲誠意」。

黃翠如跟蕭正楠不時隔空放閃。

雖然腸粉似漿糊,不過翠如算很有心呢,連老公蕭正楠也留言:「起碼她煮給你吃」,有人指蕭正楠呷醋了,而唐詩詠即回覆說:「我同你掉轉。」,有網民記起上次蕭正楠入隔離營前,由於擔心黃翠如不擅於下廚,故先行為太太煮了一些餸菜,認真窩心。

蕭正楠跟黃翠如於前年結婚,婚後基本由阿蕭負責煮飯,近日因為拍攝烹飪節目《Testing Menu》而跟多間米芝蓮餐廳的廚師學廚,令阿蕭的廚藝進步了,阿蕭曾於訪問中說過,能夠煮飯給太太食是一種幸福,不過他大爆太太今年親手整賀年食品,可說進步不少。

撰文 : TOPick柴犬出動