鄭中基4月舉行全港首個自駕演唱會 Ronald生日願望:人人有工開

娛樂 12:01 2021/03/12

分享:

剛剛在3月9日踏入49歲生日的鄭中基(Ronald),早前在生日前夕宣布於今年4月24及25日假中環海濱活動空間,舉行一連兩場全港首個戶外自駕演唱會《Drive In Ultra – WEE are Ronald Cheng》,門票在今日(3月12日)預售,並將於3月26日正式開賣。

原來舉辦戶外演唱會一直是Ronald的願望,今年終於有機會實現:「我的生日願望是大家身體健康、世界和平、人人有工開,以前講這些好老土,今年的確真是如此!」

他續稱:「每年生日都想做有意義的事,去年開始派口罩,做關心社會的事,今年都有拍些影片,遲些大家就會睇到。生日當然想同大家一齊度過,加上我一向都好想搞戶外演唱會,今次終於搞到啦!」

被問到為何在疫情下舉行大型演唱會,Ronald解釋:「第一,搞大型些,就可以多些人有工開;第二,香港沒試過這種形式,外國好多地方已經有drive in演唱會,加上這個形式好適合在疫情下搞,所以今年生日願望是搞演唱會,同埋一次過世界和平,大家健健康康!」

當主辦單位向Ronald團隊提出drive in show時,他們覺得在疫情下是不錯的做法,加上Ronald曾在外國「drive in」看戲,覺得很有趣,今次有機會進化到變成演唱會:「香港未試過drive in形式show,會幾好玩,又不會違反限聚令,一家大細可以坐在車睇,應該是值得做同幾好玩的一件事,所以就應承了主辦單位!」

Ronald透露,今次演唱會的主題概念:「好多時大家來睇show,focus都去了主唱到,但其實要做到成功的演唱會,不單止靠歌手,還要有燈光、導演、搭台、band、觀眾們,加加埋埋才搞到一個show,所以每個來睇演唱會的人,其實你們都是鄭中基。」

他並指:「加上疫情下,全世界都好團結抗疫,不可能一個人做到所有事,要大家團結先做到,所以演唱會叫『WEE are Ronald Cheng』,等如人人都係鄭中基。」

首次舉辦drive in show的Ronald期望,為進場的觀眾帶來歡樂:「知道香港人好耐沒睇過演唱會,好耐沒開心過,期望大家入來睇show的幾個鐘頭,先擺低不開心的事,一齊開心、玩咗先,經歷了年幾時間,每日都意想不到明天有何事發生,希望在睇演唱會那麼短的時間內,帶給大家久違的快樂和enjoy音樂。」

Ronald承諾會唱大家喜愛的歌,更率先透露演唱會內容:「會唱回多些開心歌,當然大家想聽的歌都會有。除我之外,到時還會見到其他歌手,亦有一個主題關於樂壇、關於新人,仍在排緊,相信大家都會喜歡。」
 

撰文 : TOPick柴犬出動