【婆媳糾紛】零湊B經驗奶奶自薦收$2萬做陪月 新手媽坐月日日洗奶樽做家務

育兒經 11:54 2021/03/18

分享:

近日一位新手媽媽大呻,奶奶自薦做陪月但得不到合適的照顧,很多事情都要靠自己。

婆媳關係似乎總是人生難題。近日一位新手媽媽大呻,指奶奶得知自己懷孕後禁止她請陪月,自薦修讀陪月班並要求支付2萬多元作薪金。不過新手媽媽在產後卻沒獲基本照顧,湊B做家務均要一手包辦。而且形容丈夫是個「超級媽寶」,慨嘆感到無助。

最近一名新手媽媽在Facebook專頁「我的極品四大長老」投稿,分享自懷孕後與奶奶之間的婆媳矛盾。她指現育有一名半歲BB,婚後與奶奶分開居住,彼此關係一直沒甚麼大問題。不過憶述在懷孕後,奶奶拒絕讓她聘請陪月,指自己會報讀10日的陪月興趣班,負責在坐月期間照顧她,並要求支付2萬多元人工,而且「唔可以要求佢做陪月職責內嘅事情,佢要自由發揮。」

奶奶零湊B經驗 事主誕B後零照顧

樓主事後因此事日哭夜哭,但丈夫是個「超級媽寶」,只叫她放心讓奶奶照顧她和BB。不過事主透露:

連隊友(丈夫)都唔係奶奶湊大,又唔識煮飯,奶奶完全無湊B經驗,我點會放心…惡夢就喺生產後開始…

新手媽媽指,當經歷10級痛楚誕下BB後,身體仍然虛弱之際,老爺奶奶「兩手空空」出現:「你以為佢會關心我?會準備炒米茶?想多了。」

不但沒有關心自己,而且在沒有消毒雙手的情況下「拉低口罩係咁對住BB講嘢。」其後即使她向丈夫反映「說好的陪月呢?」,但奶奶再次探訪時依然甚麼也沒準備,只是買了豉椒排骨飯。樓主向奶奶表示豆豉會導致退奶,奶奶卻明言不支持她餵母乳,令新手媽媽崩潰:

當時我仲喺張病床上面,聽到佢咁講真係人都癲,最後都唔再指望佢會幫我陪月,惟有自己搵有湊孫經驗嘅老人家朋友嚟救命。

坐月時照顧BB做家務一手包辦

向朋友求助後,樓主表示對方除了準備炒米茶外,還為她「發海參」放雪櫃備用和「煲上奶湯」,令她頓時感到人間有愛。怎料當奶奶上門探望後,她形容「以為自己俾人打劫」:

佢唔會準備月子餐/薑水等等坐月嘅需要俾我都算,仲攞走晒朋友準備好嘅海參返佢自己屋企,自此我就無再見過啲海參。

另外,奶奶亦會在她餵BB時拍門要求「玩BB」。而丈夫只有一星期假期陪伴她,之後坐月的日子只有樓主一人洗奶樽和做家務,形容「自問自己係用意志力嚟坐月。」

月子餐只有4種食物

後來新手媽媽指丈夫也察覺不妥,遂幫忙勸奶奶不要再買飯盒,改為親自煮月子餐。但樓主表示奶奶煮的月子餐只有4種食物──白烚豬肉、烚菜芯、預先醃製好的雞翼,以及一壺清如水的湯。而丈夫認為完全沒有問題,令她慨嘆:

我都只係慨嘆自己嫁之前無查清楚隊友嘅底細,到底隊友有幾愛佢呀媽?

帖文引起網民熱烈回應,認為新手媽媽不應屈就自己,「我唔明做人做到咁委屈做咩」、「一開始就唔應該退讓,身體係你自己,坐月坐唔好最後受個個係自己」、「媽媽唔好委屈自己,唔值得。」

點擊看更多網民留言:

    點擊圖片放大
    +6
    +5

你有育兒故事、讀書心得或親子好去處想分享,立即向TOPick【投稿】,被刊登後更有機會獲得精選禮品!

TOPick登陸MeWe啦:https://mewe.com/p/topick

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

責任編輯:王明芳