【野蠻港媽】僅1/3學生面授連累教仔「做埋老師嗰份」 港媽怒呻︰老師應只出1/3人工

中小學 16:54 2021/03/21

分享:

有港媽不滿學校老師不配合做檢測,令學校只有3分1學生面授,加重了家長的壓力。

疫情放緩,全港幼稚園及中小學可有條件恢復面授課堂,教育局現時規定全校教職員如每兩周檢測,可申請全校恢復半日面授,否則每日回校半日面授學生不多於全校人數三分一。有港媽不滿老師沒有檢測,學校只能返三分一學生,連累她要教仔「做埋老師嗰份」,怒斥老師應該只出三分一人工。

該名港媽在網上討論區「親子王國」發文投訴,指現時只有三分一學生回校,認為老師應該只出三分一人工。不少網民不同意港媽的觀點,指老師與學生上Zoom網課,背後要做好多凖備,包括改功課、改卷、備課,且老師都要返學校工作。

不過,港媽指老師是受薪工作,是天經地義,「佢少唔少工作點解要我理?我只會理我個仔點解返日放日?」她認為老師現時毋須管理課室秩序、不用帶隊放學及上課外活動,且現時只上半日課,工作量有減少。反之她要在兒子上網課後再作教導,增加了她的湊仔壓力。

咁不如我做埋佢嗰份收佢份人工好唔好?點解而家啲人咁鍾意推卸責任?原來做家長唔係從仔女角度諗,要先喺老師嘅角度諗㗎?咁點解老師又唔諗下我哋做家長嘅喺屋企做埋老師嗰份?

港媽不滿老師拒定期檢測

有網民表明不同意,因自己的女兒上午要返學校,下午要在家上Zoom網課,上課時間比之前更長,老師更加辛苦,應該互相體諒。

港媽強調從沒有抹煞老師的努力,只是一心希望兒子能盡快返學校上課。她不滿因為有部分老師不願意定期接受檢測,連累學校無法全面復課。

只係想佢地俾我個仔返學啫,就算佢哋工作24小時又點,我個仔都係冇學返喎……佢地連口水都唔肯吐喎……如果佢地識尊重下自己份工,比返啲責任心出嚟。

點擊圖片即睇網民意見︰

    點擊圖片放大
    +10
    +9

有中學老師被家長鬧爆網課廢,更被投訴白𢭃人工,詳請即睇【下一頁】

同場加映︰媽媽分享記憶讀書法培養出尖子生

你有育兒故事、讀書心得或親子好去處想分享,立即向TOPick【投稿】,被刊登後更有機會獲得精選禮品!

TOPick登陸MeWe啦:https://mewe.com/p/topick

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

責任編輯︰王明芳