【虐殺女童】父親自辯承認以藤條打女童膝後 指女童被打後感痕癢而抓傷致潰瘍

社會 12:39 2021/03/22

分享:

5歲女童疑遭父親及繼母虐待致死案今(22日)於高等法院續審,涉案父親今出庭自辯。

5歲女童疑遭父親及繼母虐待致死案今(22日)於高等法院續審。涉案父親今出庭自辯時,承認相信女童膝蓋後方的潰瘍傷勢是由他以藤條造成,但強調最初只是幾個小傷口,並指是女童被打後覺得痕癢而抓傷。父親又指女童死前一晚,他跟女童玩「飛高高」等遊戲,只是為了玩,他並不知女童頭部有否撞上天花,而他隨後要求女童在家中慢慢步行,是為了讓她的雙腿消水腫。

面對1項謀殺控罪的29歲父親今出庭自辯,他供稱早年與妻子,即案中繼母結婚同居後,因為妻子與他的家人相見好同住難,而且妻子發現死者Z有學習問題,希望教好她,但母親卻不贊成夫婦二人的做法,因此兩人決定帶同小朋友搬離單位,遷往與外母,即案中繼外婆同住。

代表父親的大律師吳政煌直指,無可否認夫婦二人曾向Z及其兄長X施以體罰,而夫婦二人的微信對話中,更反映父親不時會支持妻子體罰兩兄妹。父親於庭上解釋指,「我好清楚我太太嘅性格,佢情緒波幅比較大,如果講啲support(支持)佢嘅說話,其實反而會令佢個人慢慢冷靜落嚟,同埋會將佢嗰刻心裡面嘅不不滿話到俾我聽。」

被問及於2017年8月至2018年1月期間,父親下班回家後會接手教訓兩兄妹,父親於庭上解釋指「我淨係話等我返嚟處理,而唔係話成日都等我返嚟體罰。」父親進一步指,有時他於下班後看到妻子傳來的訊息,投訴小朋友的行為問題,當他回家後,會先向小朋友查問是否真有其事,或是否有任何特別原因,若然是小事,他通常會向小朋友罰企或罰抄;若然是再三重犯的錯誤,則會以藤條打小朋友,「如果係一啲幾日嘅問題,例如同我太太僵持咗幾日,或者好硬頸,我會帶佢落去傾下。」並強調對兩兄妹和妻子與前夫所生的女兒Y均一視同仁。

父親解釋他帶小朋友到樓下聊天,是因為太太始終不是兩兄妹的親生媽媽,因此兩兄妹或會抗拒繼母而不肯坦誠說話,「所以想有個環境,得我同佢,等佢可以放心講啲嘢我聽,咁我亦都同佢哋講,我哋之間講嘅嘢,唔會講返太太知。」父親續指,他通常會先問及小朋友是否不喜歡繼母,而小朋友會回應指並非不喜歡,只是有時會賭氣,父親其後會教小朋友如何哄繼母和向繼母道歉,而通常小朋友亦會照做。父親又指他不常帶小朋友到樓下,因為他回家時已很晚,反而有時會在家中洗手間內與小朋友聊天。

被問及妻子間中會以較激烈的方法體罰小朋友,父親指若然小朋友犯了嚴重錯誤,「打手板、用藤條打,我都覺得係可以接受。如果有時過咗火,或者對小朋友有嚴重影響,我都會叫佢唔好咁做,冷靜啲,等我返嚟。」

被問及曾為Z停學,父親則解釋指「因為我太太發現佢學習上跟唔上進度,佢連基本數字、字母,一連串咁寫出嚟都做唔到。」父親指他曾經向Z校內老師反映,但老師僅表示會留意,並沒有提出實際解決方法,「我同太太商量過,因為佢下年就讀小學,不如喺屋企教佢,等佢打好基礎先。」

辯方其後向父親展示Z的傷勢照片,父親指平時是妻子負責為Z洗澡,而Z的部分傷勢,他亦有留意到,「深刻印象啲嘅,就係腳瓜嘅傷勢。」父親解釋Z膝蓋後方的潰瘍傷勢一開始並非如此,「初頭係幾個細傷口,之後因為佢搲甩啲焦,幾個傷口就差唔多連埋一齊。」父親續指,有一天他與妻子發現Z的傷口上有一層灰灰黑黑的皮,他們認為那層皮會影響洗傷口,「後尾就決定將嗰層皮剪走咗,方便我哋幫佢洗傷口、搽藥膏、敷嘢。」

被問及曾否接受醫學訓練,父親坦言沒有,但印象中妻子有讀過一些護理課程,而洗傷口亦是由妻子負責,他日常要上班,並非每次洗傷口時他亦在場,而據他所知,妻子會用無痛消毒藥水為Z洗傷口,再蓋著傷口,妻子亦會安排Z吃藥。

父親於庭上又表示他相信Z膝蓋後方的傷口是由他造成,「因為我用藤條打完佢之後,有啲痕,搲完有傷口,之後有焦,又搲,到我見到時,已經係啲傷口連埋一齊。」被問及為何不帶Z求醫,父親坦言擔心傷勢被發現後,他會被控虐兒,「另一個原因係太太處理咗幾日之後,傷口係有好轉,所以我認為我哋可以handle(處理)到,唔使去睇醫生。」父親又供稱,他於Z去世前從未聽過細菌入血。

被問及事發前一晚,他跟Z玩「飛高高」和「扮超人」,父親於庭上解釋指當晚只是為了玩,對於Z的頭部有否撞上天花,父親回應指「呢個我唔知道。」父親又指玩完上述遊戲後,他叫Z在家中慢慢步行,「因為嗰陣時佢對腳有啲水腫,我聽過行下係會可以消水腫。」

涉案父親(29歲、運輸工人)及繼母(30歲、主婦)同被控1項謀殺罪,兩人早前願意承認誤殺罪但不獲控方接受,另外兩人亦已承認2項殘暴對待兒童罪;而涉案繼外婆(57歲、會計文員)則被控4項殘暴對待兒童罪。

法官就本案頒下匿名令及限制報道,不能披露涉案被告、事主及證人資料及相片,包括住址及所就讀學校等,違令或涉藐視法庭。

TOPick登陸MeWe啦:http://mewe.com/p/topick

實時追蹤香港新冠肺炎確診者住所/出現地點,立即下載經濟日報App:https://bit.ly/2JdOaiS

記者:楊詠渝