Sony Music新人首支派台作《怕甚麼》 區子琳化身太空人尋找樂土

娛樂 17:01 2021/03/30

分享:

分享:

MV營造《星球大戰》復古味。

區子琳(Paula),其首支派台歌《怕甚麼》描述無懼困阻勇於嘗試的心態,MV中Paula更化身勇闖外太空的太空人,甚具瞄頭。而《怕甚麼》新歌及MV亦已經推出市場。

《怕甚麼》由填詞人甄敏延操刀,她與Paula碰面之前,透過social media評估對方的性格。

評估後,覺得她好似電影《無痛失戀》(Eternal Sunshine of the Spotless Mind)中的Clementine(Kate Winslet 飾):初接觸時會令人覺得有距離感,性格內向,但相處後就發現是性格隨和又外向的人,對於所有事情,最初會有份膽怯,但後來卻覺得其實不用凡事太驚恐,可以放膽一試。

新歌〈怕甚麼〉。

按照這個評估,甄敏延寫出了《怕甚麼》的歌詞,Paula看過後,直言這就是她的寫照,她說:「歌詞裡面嘅主人翁好夠膽試唔同嘅嘢,無懼世界任何困阻,而我都一樣,會樂於嘗試做想做嘅事情,堅持自己嘅理念,因為世界好多事情未必可以一一了解同理解。」

為配合歌詞主題,MV導演Pixel Ivan聯同梁仲文合作製作出一個充滿天馬行空的MV,Pixel Ivan說:「〈怕甚麼〉MV用太空探索作為骨幹,係一個關於成長嘅故事。」

然後續稱:「喺朋友同學都選擇離開comfort zone嘅時候,Paula都出發去外太空,尋找令自己安心嘅地方,期間不停探索,不停嘗試,當中遇到好多挫折、失敗同迷惘,但Paula最後諗返自己嘅初衷,成為繼續勇闖嘅動力,到最後終於搵到一個適合自己嘅新地方。」

充滿天馬行空的MV。

Pixel Ivan表示,他很想做出復古,猶如電影《星球大戰》(Star Wars)般的特攝片畫面,最重要是要「夠型」,所以特別找到鍾情科幻元素的樺哥充當美術指導,落足心機為MV搭建像真度極高的太空船船艙,加上擅長後期製作的Seesaw Post Production塑造出的外太空畫面,令〈怕甚麼〉的MV型格俱備,可看性甚高。

就連Paula於現場見到船艙後,也不禁太讚道:「冇諗過船艙可以做到咁靚,入面啲掣、扶手全部可以郁動,Screen又可以著,就好似真係坐咗喺船艙入面,好得意。」

猶如電影《星球大戰》(Star Wars)般的特攝片畫面。

首次進行拍攝工作,Paula既緊張又好奇,她說:「雖然好早起身化妝整頭,但唔係特別眼瞓,反而係好緊張,因為好想知道究竟一陣會發生乜嘢事。」

在正式拍攝時,導演要求她做一些臉部表情,甚至或要close up拍攝時:「我唔係好識點做導演要求嘅嘢,特別係喺綠幕前演戲,因為單靠導演描述就要做到需要嘅表情動作,更加係高難度,不過條片出嚟冇諗過可以咁奇幻,好像想唔到。」

Paula希望聽眾可以更代入她的音樂世界。

雖然Paula謙虛道出自己的不足,但導演Pixel Ivan大讚Paula態度非常好,十分配合拍攝工作,更表示期待她之後的發展。

經過這次經驗後,Paula坦言日後要多學習如何運用臉部表情表達內心感受,讓聽眾可以更代入她的音樂世界。

同場加映:林二汶訪問

更多矚目綠葉王報道:https://bit.ly/2Le3nkM

撰文 : TOPick柴犬出動