【求子辛酸】袁詠儀計準時間姿勢歷人工受孕辛酸 「靚靚」遺憾未能為魔童添弟妹

育兒經 14:10 2021/04/12

分享:

「靚靚」袁詠儀剖白備孕辛酸,遺憾未能為魔童添弟妹。

同為49歲的「靚靚」袁詠儀與張智霖結婚20載,育有14歲兒子張慕童(魔童),靚靚在10日(上周六)播出的TVB節目《日日媽媽聲》中,透露一直渴望生多個,試盡所有備孕方法包括計體溫、計日子,甚至造人姿勢等,可是肚皮一直無聲氣。數年後她接受人工受孕,卻屢次換來失望,成為遺憾。

新節目《日日媽媽聲》由余安安、陳凱琳和羅敏莊擔任主持,首集嘉賓請來袁詠儀分享備孕經歷。為了做好備孕工夫,靚靚特地戒煙3個月後才開始造人,為了生B她可以去到幾盡?

計體溫、計日子啦、姿勢啦……我當時個諗法就係『嚟啦嚟啦,快啲嚟快啲嚟,baby快啲嚟媽咪度。』係要好集中嘅。

點擊圖片睇靚靚剖白備孕辛酸:

    點擊圖片放大
    +11
    +10

配合造人姿勢誕下魔童

她被追問如何以姿勢配合,她笑言已忘記過程的姿勢,但之後的姿勢就是要倒轉個人,好讓精子逗留體內久一點。

一家三口顏值相當高。(IG圖片)

靚靚與Chilam嘗試幾個月後,當他們以為沒有動靜時,小生命卻已悄悄來到,那個就是魔童。不久之後,當年35歲的靚靚已準備追第二胎,因自己有3兄妹,她排第二,雖然會打架、吵架,但兄妹情深,她希望為魔童添個弟妹,將來發生問題可以一起處理。

    點擊圖片放大
    +10
    +9

漫長等待後換來醫生一句Sorry

靚靚繼續用盡所有方法去備孕,但一直都沒有好消息,「我唔記得咗自己已經35歲」,斷斷續續試過幾年後,靚靚尋求人工受孕,她坦言打針固然是痛,但植入胚胎後等待結果的過程,才是最煎熬。

等嘅過程好無奈,然後醫生話俾你聽Sorry呀,唔係Sorry嗰一下唔開心,而係你等嘅時候咩都做唔到,而結果又唔得,呢樣係自己覺得最唔舒服。

她強調自己並非不開心,因她認為有否小朋友是命中注定,只是她不能讓自己再經歷這種情緒,「所以我就試埋呢次就夠喇。」

    點擊圖片放大
    +6
    +5

未能懷上第二胎成為靚靚的遺憾,「我放棄咗之後就無諗喇。」靚靚現常呼籲朋友有仔趁嫩生,明白現今很多女性都是能幹,不希望放棄事業黃金期去生仔,直到年事已高才去追仔,「其實就係耗掉你以前嘅卵子。」

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦:https://mewe.com/p/topick

責任編輯︰林綺玲