【ERROR成員】193硬闖TVB電視城影片翻熱 唱跳《前傳》踩場：我係歌星【有片】
發布時間： 2021/04/14 19:27
最後更新： 2021/04/24 23:11
▲ 大膽193踩場TVB影片被翻炒，唱跳《造星》主題曲硬闖電視城被保安攔截。
ERROR成員193（郭嘉駿）日前公開反駁TVB高層曾志偉的言論後，外間反應兩極，有人認為193敢言，但亦有人覺得他有欠禮貌。而193獲經理人花姐（黃慧君）補鑊護航，指郭嘉駿一向心直口快，希望大家諒解。
不過193由此受網民關注，近日更被翻出193過去不少大膽行為，比如他曾意圖硬闖TVB電視城的影片再度被炒熱，證明193的「瘋癲」非一日練成。
【兩台大戰】ERROR透露保錡復出關鍵 193回應志偉言論：J2是甚麼？
193大膽直率
兩台大戰的戰況近日相當激列，日前TVB高層曾志偉公開直指ViuTV與翡翠台不是同類競爭對手，更指對方只得4點收視、節目題材比較偏門，ViuTV應與J2作比較才較合適。
代表ViuTV的ERROR成員193接受媒體訪問隔空回應曾志偉，反問甚麼是J2，又諷刺對方有節目喚《後生仔傾吓偈》，但有主持卻40多歲。其串爆的霸氣回應獲網民大力讚好，欣賞他的大膽直率行徑。
【ERROR成員】193霸氣回應志偉人氣急升 素來大膽曾當面指花姐暴躁
直闖TVB電視城
其實早於兩年多前、193剛入行時，曾親身到對台TVB電視城門口「踩場」。
近日該YouTube影片被網民再度翻炒成熱話，網民再度套用193的金句：「知我咩料啦！」
【開心大綜藝】王祖藍+阮兆祥重返TVB扮高官 大台再抽姜濤水網民反應兩極
影片於2018年底推出，拍於ERROR成立初期，是網上節目《肥仔大冒險》的其中一集，片名為「大佬呀，你幾廿歲人咪咁痴線啦！」
內容講述193自稱是「明星」，想要硬闖TVB電視城的過程。
【最後一屆口罩小姐選舉】ERROR挑選美女 193與阿Dee為爭隊員爭執
【暫別娛樂圈】保錡自責負面形象連累ERROR隊友 宣布暫離娛圈：我影響咗好多人
自稱是韓星
穿著超Sharp桃紅外套的193在TVB將軍澳電視城門外，向保安要求放行入內，直言：「我係明星嚟架，係咪呢度入去呀？」保安要求他要到接待處登記，193卻堅持自己是明星，平時進入TVB不用登記。
他見保安不為所動，轉攻另一名穿著西裝外套的男子，問對方覺得自己像不像明星：「點解佢唔俾我入去嘅。你睇我個頭，我真係韓星嚟架！」193指著自己漂染過的淺色頭髮，又打開桃紅外套展示內裡的《全民造星》Tee。
【單飛出歌】MIRROR呂爵安返母校拍MV ERROR隊長Fatboy化身型男被女圍
肥仔阿Dee拉走193
193再向西裝男表露自己的歌手身份，而為了令對方信服，更即席Rap出組合LMF的《大懶堂》，又唱跳《前傳》。
不過西裝男不理會，先行走進電視城，繼續攔截193的保安向他謂：「出返去啦。」
此時﹛ERROR成員肥仔（梁業）與阿Dee（何啟華）把他拉走，又向保安解釋：「唔好意思，佢夢遊！」阿Dee向193直言：「你幾廿歲人咪咁痴線啦！」
而193則表示：「我真係偶像黎架，我又高大又靚仔，唱歌又好聽，問心丫，你哋知我跳舞點架！本身我係MIRROR第13個成員......都唔知點解花姐要咁對我。」
許多留言都大讚193的戲劇細胞和喜感十足，亦有人大讚他夠高大靚仔，絕對可以做偶像。
同場加映：MIRROR《男排女將》專訪
撰文 : TOPick柴犬出動
