陳凱詠+王君馨Swag爆鬥舞  Jace:好似返回中學跳舞咁開心

娛樂 16:55 2021/04/19

分享:

Jace陳凱詠與G.Racie王君馨比舞。

Jace陳凱詠YouTube上的《J.D FEAT.》系列又有新搞作,今次她邀請到G.Racie王君馨與她一起swag爆鬥舞,燈光非常有vibe而且又有名貴跑車助陣,展現女生型格一面相當有氣場,整個感覺彷如置身外國一樣,Jace笑言:「當自己去咗洛杉磯玩一晚咁!」

Jace形容今次與G.Racie合作突如其來又十分順行,興奮地說:「今次這個合作來得好突如其來,有一見如故的感覺!膽粗粗問完她又肯一齊玩,好快就想到玩甚麼歌及同何排舞,非常順利!」她笑言從未試過有多部名車在自己身邊,很緊張會弄髒跑車。

    點擊圖片放大
    +2
  •  

她又大讚G.Racie是非常友善,為人真誠:「本身有擔心過對方是前輩,好多東西要小心些,但她是位好友善的前輩,好似大姐姐般一齊玩,有一種返去中學high school女仔約埋一齊打扮,一齊跳舞般好開心!」

而G. Racie則大讚Jace很有swag:「今次拍攝好開心,好鍾意Jace的風格,覺得造個新artist好正,好有swag,跳舞亦非常出色。而且Jace好似個活潑的小朋友,雖然她高高瘦瘦個樣又有點性格,但她其實是大細路,令成個拍攝過場程好開心!」

她又表示今次合作無憂無慮十分自在:「因為入了行一段時間就變到好小心,或顧慮好多,但今次合作可以放開自己,純粹地就是因鍾意表演,鍾意跳舞!」

撰文 : TOPick柴犬出動