【東張西望】林溥來被囝囝請「飲茶」 關宛珊感激丈夫Patrick Sir幫手湊B:不是豬隊友

育兒經 13:42 2021/04/22

分享:

新手爸媽林溥來與關宛珊。

《東張西望》主持「Patrick Sir」林溥來與關宛珊(Kimmy)結婚5年,終於在今年4月榮升新手爸媽。二人亦不時分享囝囝Preemo的可愛日常,在昨晚(4月21日)Patrick Sir更發文表示出世只有8日的Preemo請父母「飲茶」。

【BB來了】關宛珊成功誕7磅重B仔 Patrick Sir林溥來感激太太:你好偉大

林溥來與關宛珊「升呢」新手父母。(IG圖片)

【東張西望】Patrick Sir自幼家貧發憤圖強 求學精神受父親一個態度啟發

請父母飲茶

Patrick Sir在IG發文:「呢位洋蔥頭BB啱啱第一次請咗爹哋媽咪「飲茶」,佢咁俾面,所以我決定將佢嘅第一張玉照公開!你大個咗唔好搵我算帳呀,哈哈哈!」

並標籤:「#Preemo #我哋個BB仔 #洋蔥頭 #人生第一張玉照 #被daddy出賣 #8DaysPreemo」

林溥來公開囝囝玉照。(IG圖片)

【東張西望】關宛珊預告誕重磅B仔 Patrick Sir太太一度宮縮曾陷早產危機

Kimmy接受TOPick訪問時表示:「其實Preemo是各請了我們一次『飲茶』,我們在醫院那幾日,我想好好休養多些,Patrick又好似Staycation咁,我們次次都是望下姑娘如何照顧BB,回到屋企又依賴陪月,到琴日陪月請半日假,就一定要自己落手搞喇。」

她續說:「當以為好順利,拉起條片片貼好就搞掂之際,發覺自己隻手濕濕地,望一望先見到BB殊殊緊,Patrick走過來大笑話:『BB請你飲茶呀,通常第一次都是請爸爸㗎』殊料之後我餵完奶,叫Patrick幫BB換片,就輪到請他『飲茶』,BB真係好公平,不過今次份量就勁些,地下同工作枱啲墊都濕晒。」

力撐老公「不是豬隊友」

剛接Preemo回家的Kimmy表示二人已經習慣有BB的生活,只有愛犬DonDon不習慣:「多了個陪月又多了個BB,牠都有成日去睇BB,想保護BB成日吠,BB成日被牠嚇到成個彈幾彈,但又有呷醋爭寵的時候,想撞去BB度,所以要睇得好實,已經摸牠多些同牠講多些話,希望坐完月可以帶他們齊齊去多些街街,慢慢可以化解啦。」

剛成為新手奶爸的Patrick Sir雖然曾發生蝦碌事件,但Kimmy也認為老公不是「豬隊友」:「對上一次他試換片,後來陪月發覺他幫BB扣錯鈕,條片片鬆緊度拿捏得不好,啲Poo Poo湧了岀來,連衫仔都有, 所以係咪神隊友就未知,不過就一定不是豬隊友!」

林溥來不是「豬隊友」。(IG圖片)

有時Kimmy埋身餵後想休息,也會交給Patrick Sir補奶粉同掃風,獲Kimmy力讚:「呢兩樣就佢叻過我,我哋從歡樂中學習。」

至今BB岀世第9日,Patrick Sir的電話記憶已經用完,Kimmy表示:「次次佢抱住BB都話『哎呀,好得意呀,幫我影張相』,一放低電話又話呢個樣又好得意又要影,停唔到落黎。」

    點擊圖片放大
    +10
    +9

曾宮縮陷早產危機

原本預產期在5月的Kimmy,提早誕下7磅重Preemo。在孕期「進入最後直路」時,Kimmy曾在IG透露曾陷小產危機:「28週BB仔已經轉咗頭兼入咗盆,而當時我們還傻傻不清楚狀況,還拍了14小時孕照,難怪當天宮縮情況嚴重到『個肚硬過張枱』」

在醫生建議下,Kimmy每天散步不超過30分鐘,亦嘗試做反地心吸力動作,想辦法減輕宮頸壓力,幸最終頫利度過這關口。

後Preemo在36週已接近7磅,頭仔更大了3星期,醫生建議38週就要提早催生或開刀,Kimmy表示:「原來BB仔只係話比我哋知佢已經準備好啫。」

同場加映:林珊珊林子善訪問

記者:鄭嘉瑤