向海嵐講當初決心做珠寶生意原因 疫情下變招求存:努力做網上平台

娛樂 14:47 2021/05/04

分享:

向海嵐接受香港開電視訪問。

港姐向海嵐(Anne)在3年前與朋友合共投資7位數字,於中環開設翡翠珠寶店,日前她接受香港開電視主播馬梓軒專訪,分享當初決心做珠寶生意的原因。

Anne表示:「其實做珠寶真係一個機緣巧合,最初沒諗過。當初我識了一個朋友,他的父親一輩開始已做翡翠生意,後來他話不如一齊試合作,叫我擔任類似代言人角色,後來慢慢傾落發現大家好投契。一方面他又做到設計,又碰巧遇到中環這個舖位,覺得好適合,於是就下定決心實行!」

Anne透露店舖開業半年已回本,可是疫情令生意面對前所未有的打擊:「可能1、2個月才有一單生意,因為疫情高峰期真是沒人出街購物,加上所有宴會派對等喜慶場合全取消,所以是一個幾大的難關。當時都只能夠向業主要求減租,慶幸我同拍檔都較有正能量,於是我們都開始諗改革,努力做網上平台,以及構思一些新穎設計吸引顧客。」

即使面對難關,依然無減Anne繼續做珠寶生意的決心,皆因過程中令她很有滿足感:「做珠寶是件令人好開心的事,因為每個客人上來購物,一定是因為有開心事而幫襯。而且覺得珠寶是種好長遠的東西,可能好多人會將珠寶一代傳一代,所以是好有傳承意味!」

撰文 : TOPick柴犬出動