【隔離檢疫】映灣園居民分享竹篙灣檢疫經驗 營內不設WiFi籲自備數據卡解悶

社會 18:03 2021/05/06

分享:

有網民分享檢疫經驗。(fb 西環變幻時)

在變種病毒入侵社區的陰霾下,先後有多幢大廈居民被送往檢疫中心隔離21日。有「不幸」被送竹篙灣檢疫營的人士總結營內經驗,直指營內不設WIFI,建議檢疫人士記得自備數據卡或WIFI蛋作解悶之用。

有東涌映灣園居民在社交平台指,不明白為何不能家居隔離,「而家先係5日都覺得過左成個幾星期咁,21日我明白真係唔容易過」,「由day 1我都已經想知點解唔係居家隔離,咁勞民傷財又擾民既防疫措施我都好想搵人解釋俾我聽」,又見近日「一至兩幢咁大遷徙」,於是自製「懶人包」分享。 她首先提到,當收到隔離消息,當務之急「係盡將你屋企會用到既野放入行李箱」,她強調隔離營並非酒店Staycation,而第一日入營時只會有少量及基本日常用品,當中只得牙刷、牙膏、毛巾及杯各一,「雖然呢度會有whatsapp熱線俾你攞物資,但預左要等,亦有可能冇貨提供唔到都未定。」她建議可自備日常用品例如沐浴露、護膚品、盒裝紙巾等。

她提到,可帶備清潔劑清潔營內設施,「清潔完自己先安心住咁多日」,但因營內不設洗衣機,故有需要可準備易乾衣物,手洗後自行晾乾。電子器材方面,她建議帶多部電話,「用嚟放wifi又好,娛樂又好,你會需要的,有ipad, notebook, switch的話就帶埋啦」,拖板、充電線及充電器等。由於營內沒有WIFI,可先自備數據卡,「入到嚟之後先有知可以問呢度攞張sim卡,不過就得2G,我有晚係Netflix睇左一集韓劇就用左4G。」

膳食方面,她直指要有心理準備營內食物「係微熱兼冇乜味」,故可帶備「杯麵、糖、零食、即沖飲品(咖啡/茶)、辣椒油/XO醬、簡單煮食爐具,總之屋企有乜拎乜」,而且隔離首兩天送餐時間混亂,「有街坊到左下午3點都未收到早餐同午餐,Whatsapp大台冇人回覆,最後要係窗門大叫先有人送飯」。

近日為阻截變種病毒株在社區擴散的潛在風險,衞生防護中心會根據法例599A章,將染疫病人居住的大廈,所有樓層單位無病徵的住戶,送往檢疫中心接受21天強制檢疫。

一文看清「疫苗氣泡」防疫措施,食肆須分4類營運:https://bit.ly/3xy0Jxy

實時追蹤香港新冠肺炎確診者住所/出現地點,立即下載經濟日報App:https://bit.ly/2JdOaiS

責任編輯:蘇文軒