林婷為Serrini新歌拍MV 首次演繹sheshe情不感覺尷尬

娛樂 13:29 2021/05/07

分享:

分享:

林婷為Serrini的新歌《我在流浮山滴眼水.jpg》拍MV。

曾主持ViuTV探靈節目《入住請敲門》的文青女神林婷早前簽約新公司One Cool Jamcast密密接job,並踩入影圈拍戲,近日又為唱作歌手梁嘉茵(Serrini)的新歌《我在流浮山滴眼水.jpg》到元朗流浮山拍攝MV。

歌曲講述兩個女仔的感情事,提到MV中與另一女演員Kuku的「sheshe」情,林婷直言拍攝這類題材的MV,既新鮮又緊張。

林婷表示︰「自己第一次拍呢類型MV,初頭都好緊張,會在諗兩個女仔感情事會是如何呢?」

她又指今次拍攝,因要在一日內經歷戀人感情上的高低起跌,心情起伏相當大,她說︰「對我嚟講挑戰都幾大,有好多故事,兩個女仔經歷6年,由朋友到同居,大家發生同經歷嘅事都好多,就要一日內經歷晒所有嘢,心情起伏好大。」

MV中,林婷與對手不乏面貼面、擁抱及同床等親暱鏡頭,對此她直言非常好玩,並不覺得尷尬,她笑指演「sheshe情」安全感比男生大。

她笑說︰「我發現拍了半日,原來幾輕鬆,比起同男仔做戲,女仔安全感會大些,同男仔拍可能會有少少驚或怕醜,但同女仔感覺係會放鬆些,同埋對大家信任都好多,演時舒服好多,我覺得好玩玩。」

此外,林婷透露拍攝時勾起不少她拍拖時的回憶,直言拍攝某部分情節比較感觸︰「今次拍攝某些情節好感觸,同自己經歷好相似,例如同情侶嗌交位,我都會諗起自己以前拍拖時候,有這個代入感,就發現這些自己有經歷過的事,演的時候輕鬆好多。」
 

撰文 : TOPick柴犬出動