【好聲好戲】何廣沛邀老友方紹聰拍檔比賽 奶仔:一齊驚一齊接受挑戰

娛樂 14:26 2021/05/08

分享:

何廣沛邀好友「奶仔」方紹聰同往《好聲好戲》比賽。

TVB節目《好聲好戲》昨晚(5月7日)播出第5集,去到第三回合要拍檔聲演,當中何廣沛邀好友「奶仔」方紹聰合作。

他們聲演《巾幗梟雄之義海豪情》內一段黎耀祥與麥長青爭執的場面,何廣沛聲演黎耀祥、方紹聰聲演麥長青。結果,兩人的演出獲得評判團一致好評,連一向要求嚴格劉江也大讚二人表演好。

【好聲好戲】龍天生跟呂良偉陳玉蓮同期出道 演戲不忘進修成榮譽學士

方紹聰亦在個人社交平台上載與何廣沛拍《好聲好戲》時的合照,奶仔並寫:

有一日見到廣沛,佢話參加《好聲好戲》呢個配音比賽,面對着劉江老師、汪阿姐、同埋一眾著名配音老師,每一次上台都好大壓力,然後我笑笑口同佢講:唔使驚啦,呢啲跟前輩學嘢嘅機會好難得,你要珍惜哦。🤪

然後,佢見我講得咁口響,就捉埋我上去同佢一齊面對挑戰,我想講嘅係,原來....配音真係好唔簡單,係一樣充滿技巧、內在的藝術,而且上到台配音,只有一次機會,幾十對眼望住你,真係會頭麻、腳震嘅。

好在我有呢位兄弟 - 何廣沛陪住我,一齊通宵練習,一齊驚,一齊接受挑戰,最後我哋兩個先完成到呢個作品,希望大家睇得開心。😁

多謝何廣沛俾呢個機會我,登上《好聲好戲》台板學嘢,獲益良多。 😁

#tvb #好聲好戲

撰文 : TOPick柴犬出動