【MIRROR經理人】忙湊「12個仔」忽略家庭感內疚 花姐嘆失去天倫樂大仔抗拒媽媽出名

育兒經 18:07 2021/05/11

分享:

花姐在剛過去的母親節因忙於MIRROR演唱會,未能與家人團聚而感到遺憾。

男團MIRROR在九展舉行一連六場演唱會成為城中熱話,今晚(11日)是最後一場。MIRROR經理人花姐(黃慧君)連日來因要監場,連剛過去的母親節也無暇與家人慶祝,身為兩子之母的花姐感到遺憾,幸MIRROR 12子好識做,齊向花姐送上歌曲和鮮花賀母親節,令花姐有感而發。

今年冇辦法同媽咪過母親節,冇機會同大小B一齊,出門口時,心裡面諗,今日大家如果同我講「母親節快樂」可能只會帶俾我一種遺憾。

MIRROR 12子向花姐送上母親節花束。(IG圖片)

不過,在昨晚MIRROR演唱會完場後,「12個仔」在後台給予花姐一個驚喜,既送花又圍著她唱《世上只有媽媽好》,讓花姐非常感動。

大家嘅出現填補咗我嘅缺口,令我感覺溫暖,多謝你哋。MIRROR好多謝你哋嘅花,雖然有啲老土,不過好sweet。

    點擊圖片放大
    +5
    +4

育有2子 渴望有家庭日

花姐近年成為MIRROR的經理人,12子工作繁多,令花姐忙得不可開交,經常要陪同12子工作及監場。她早前在ViuTV節目《是滴是友》中坦言,因為工作失去了家庭日而感到不開心,自己亦難以選擇不工作。

前排我細仔生日,但我要工作,我冇得揀我唔工作,一定要去。

現年48歲的花姐育有兩子,經已19歲及15歲,一家四口感情好好。在未有MIRROR之前,花姐一直是電視台幕後,有較多時間享受天倫樂,而老公也很重視家庭,希望兩夫妻都能經常在家陪伴兒子成長,每星期又設有家庭日,放假一齊去旅行,但如今花姐已很難做到。

    點擊圖片放大
    +7
    +6

細仔愛MIRROR 大仔丈夫沒興趣

花姐曾接受傳媒訪問時坦言,因花太多時間照顧MIRROR而令老公不開心,她在家談起MIRROR時,老公也不感興趣。為了「湊12個仔」,花姐變相減少了時間照顧親兒,只能在每朝送兒子返學時見面,坦言為此感到內疚,希望能平衡好工作與家庭。

    點擊圖片放大
    +12
    +11

現成為金牌經理人的花姐受到「鏡粉」尊敬,行出街都有好多人認得,不過性格內歛的大仔卻不喜歡媽媽成為名人。

大仔好抗拒,如果有人喺街度認到我,佢係唔鍾意、好反感。大仔唔係咁接受到我工作轉變,我都解決緊呢個問題。

幸好細仔都鍾意睇《全民造星》及支持MIRROR成員,透過節目明白媽媽的工作。花姐曾透露做《全民造星》這個節目,正正是想讓細仔知道,要努力追求自己的夢想。細仔說過想做NBA球員,相信自己總有一日會做到。

同場加映︰MIRROR演唱會花絮

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦:https://mewe.com/p/topick

責任編輯︰林綺玲