【抗癌鬥士】陳積榮肺癌離世終年38歲 孫慧雪千字文悼好友:來日再聚!

娛樂 11:20 2021/05/16

分享:

陳積榮肺癌離世終年38歲,孫慧雪千字文悼好友:「來日再聚!」

前TVB藝人陳積榮(Jeff)去年確診患上肺癌,可是於昨日(5月15日)早上不敵癌魔離世,終年38歲。孫慧雪過去一直為陳積榮奔波,比如為Jeff籌募醫藥費等,面對摰友離開,阿雪在社交網站撰寫千字文悼念,回憶稱:「我呢一世都不會忘記你!」

Jeff去年8月確診患上第四期肺癌,積極的陳積榮更拍片紀錄治療過程,但由於治療癌症費用昂貴,積蓄已見底,好友孫慧雪更在個人社交媒體發文為Jeff籌款。不少網友響應孫慧雪的呼籲,熱心幫助Jeff渡過難關。

【抗癌鬥士】陳積榮不敵肺癌今晨離世 Jeff終年38歲:幸運有很多朋友陪我戰鬥

阿雪分享多張多年來與Jeff的合照。(Facebook圖片)

【抗癌鬥士】去年確診4期肺癌花光積蓄治病 陳積榮拍拖10年女友伴走抗癌路

不敵癌魔離世

不煙不酒的Jeff患上肺癌,讓他與身邊的人大感意外,他曾拍片提及:「因為這件事我感覺到很多朋友幫我,所以我更加要走出來拍這條片,讓更多人知道我在打一場怎樣的仗。」

雖然Jeff一直積極對抗癌魔,可是於今年初癌細胞擴散,曾先後接受不同治療,但病情反覆。近日的身體狀態每況愈下,Jeff於5月15日早上不敵癌魔離世,終年38歲。

    點擊圖片放大
    +8
    +7

與他相交多的孫慧雪在社交網站撰寫長文,回憶過去多年與他的點滴,並相約與Jeff來日再聚:

Jeff,和你實在有太多太多的經歷,一起追夢的過程,實在太深刻了!所以我呢一世都不會忘記你!你好叻呀!一直撐到現在不容易,到最後,你都仲係擔心人哋為你傷心,怕自己令人失望!其實你已經好叻好叻!好硬淨呀!

撐咗咁耐,要好好休息吓啦!經常在想,點解上天要揀你?要帶你走?一定係你太好啦!你已經完成咗天主俾你喺人世間嘅考驗,你可以幫佢手做事啦!或者因為你特別勇敢,可以令我哋明白更多!

孫慧雪續指,陳積榮為人豁達、真誠,並回憶對方教她積極人生:

認識你嘅人,都知道你個性坦率、正能量,每次見你,總係有滿滿嘅計劃,每次都係充滿希望同力量!知道自己發病嘅時候,你同我講話你知道自己行緊運啦!係上天俾你一個經歷同考驗,只要過咗呢關,之後就可以繼續努力完成,好多好多你想要做嘅事,你話實在有太多人對你好,你好想還俾大家,好想用自己力量幫忙同鼓勵病友,喺你病同唔舒服嘅時候,你都係咁為人著想!

你教我人生健康係最重要,無需要為唔值得嘅人,或唔值得嘅事而唔開心,你教我每一個演出都好應該要珍惜!就算只係行過嘅角色,你都會好珍惜!你話人生唔需要追求物質,足夠就好,你話細細個赤腳喺士多跑來跑去,過一啲簡單生活都已經好開心,你話人生好短,一定要追夢,要努力成就想做嘅事,等自己無悔!你話愛要說出口!我全部都記住啦!

阿雪最後回憶當初一班藝訓班同學相處的日子,同時承諾一眾同學會重新振作,積極人生:

你成日讚我叻,我知道你鼓勵我,其實你叻我好多好多!喺你身上我學到好多,你令好多嘢由零變一百,由無變有,你令我明白敢想敢做,就會令事情發生!

你重情,拍電影,都要堅持搵返同期嘅訓練班同學,你好喜歡齊心做一件事嘅感覺,多謝你俾左好多美好回憶我!俾我做電影女主角!細數我人生每個精彩時刻,都有你喺身邊陪伴同見證!好開心認識你!而家只係短暫離別,我哋來日再聚!

喺呢度衷心多謝一直出心出力愛護Jeff嘅大家!我哋會忘記悲傷,重新振作!因為你唔鍾意見到我哋唔開心!Jeff, we love you!

    點擊圖片放大
    +10
    +9

【林鍾一戰】鍾培生鬧爆林作抽水賣保險 孫慧雪為陳積榮發聲:不如捐打擂台錢

未能完成自編自導作

自Jeff公開病情、阿雪為其籌募醫藥費後,不少圈中人也伸出緩手,包括曾捐出十萬的郭富城,陳自瑤與女兒QQ、林盛斌與三個女兒捐出利是錢,希望可解其燃眉之急,同時呼籲更多民眾能夠出一分力。

TVB第20期訓練班入行的Jeff,在TVB拍劇年資不長,後轉投港視參演劇集《惡毒老人同盟》,飾演李楓的兒子。早前曾自資執導3部電影包括《戀上36D》、《最囧麻花》和《荒島屍變》。曾籌備自編自導自演電影《訓練班》,卻因疫情關係而停止拍攝。

同場加映:何綺雲專訪

撰文 : TOPick柴犬出動