吳業坤日本之旅體悟人生 坤哥稱現時單身:有女友會公開

娛樂 16:49 2021/05/16

分享:

吳業坤接受許文軒訪問。

日前吳業坤作客TVB娛樂新聞台節目《StarTalk》,接受主播許文軒(Edmond)專訪,大談赴日本Working Holiday及挑戰「東海道五十三次」感受。

坤哥說:「本身2月想返香港,但覺得自己好似咩都冇做過,好頹廢,有啲良心掙扎,所以決定挑戰「東海道五十三次」由京都步行到東京。」

吳業坤稱,第一天行了40公里:「實在高估咗自己,搞到對腳、膝頭同腳腕都好痛,行咗4、5日先可以適應,都有一刻諗過放棄,想搭車返去京都。每日最期待就係去到旅館嘅澡堂浸腳,浸咗成個鐘都唔想出嚟!」

談到這次挑戰的體會時,坤哥說:「路,好似人生咁!開始咗就冇得返轉頭,有咩都要硬住頭皮上。行到第13日,自己有一邊寫歌一路行,行行下唱到『如累了,請你只要相信捱下去』觸動咗自己,一路行一路喊,喊咗成個鐘。」

他再續稱:「雖然呢個旅程有廢嘅時候,但我覺得今次真係拋開過往沉澱嘅嘢,以前成日做訪問話要沉澱,原來一直積聚咗喺度,今次真係打通晒!返咗嚟香港之後我真係開心咗好多!」

吳業坤直言成熟不少:「可以同大家講,都想搵返個女朋友!(在日本有否認識新朋友?) 有,睇下可唔可以發展到,認識朋友一定有,男女、日本人都有,不過唔一定係揀日本女仔。如果真係有女友,都冇乜所謂,可以公開畀大家知,但依家真係冇!」

撰文 : TOPick柴犬出動