【野蠻奶奶】奶奶恨抱孫不停催生仔要有男丁 新抱嬲爆:要脅老公娶第二個

親子 11:16 2021/05/18

分享:

一位新抱在網上大呻奶奶要脅她和丈夫生小朋友。

如果家中只有一個兒子,可能會受到傳宗接代的壓力。日前有新抱在網上大呻,奶奶近年不停催逼自己和丈夫生BB,更要脅新抱若拒絕生育,便會叫兒子回內地娶妻,惟兩夫婦在結婚前已決定不會生小朋友,故新抱對此感到不滿。

奶奶要脅新抱生育

該名新抱近日在Facebook群組「生仔要考牌系列」投稿,指自己現年38歲,丈夫40歲,兩人在結婚前已有共識不會生育,惟奶奶「好恨抱孫」,由四年前開始不停催逼他們生小朋友。事主表示奶奶最近「催生」程度加劇,更要脅她:

話如果我唔生嘅話,佢會叫我老公返內地娶老婆,反正佢有咁多親戚喺嗰邊,一定有好多女仔介紹到俾老公。

雖然事主和丈夫並沒有理會奶奶,但奶奶卻沒有因此罷休,更用不同原因繼續游說兩人,並且表示會「資助」他們,

而家香港教育咁好,最近學啲嘢又非常豐富,可以教到班小朋友有正確思考嘅觀念,所以真係好適合生,真係唔驚唔識教。學校老師一定會幫你,老爺奶奶亦都支持你。

丈夫是家中惟一男丁

不過事主表示,十年前與丈夫拍拖時,已有共識婚後不會生育,因為兩人一向都不喜歡小朋友,「又困身,同埋生出嚟又搞唔掂,唔通拋棄佢唔理咩?真係好大責任!」。但由於奶奶只有丈夫一個兒子,另外一位女兒已40歲但仍然未婚,所以將生育責任壓在兩人身上。

而家唔生好蝕底呀,政府有咁多福利,真係唔好輸蝕,呢個咁幸福嘅環境要好好珍惜,起碼要生兩個,最好有個仔啦梗係。

雖然事主對奶奶的要脅感到憤怒,但表示幸好夫婦二人都不喜歡小朋友,坦言「如果我哋生咗嘅話,奶奶一定會插手多多事幹,到時候仲麻煩呀!」

網民:生BB並唔係女人嘅義務

帖文一出引起網民熱議,紛紛留言斥奶奶思想守舊。有網民建議事主丈夫擔當「中間人」角色,向奶奶坦白兩人的想法,「淨係你兩公婆有共識係無用㗎,老人家想抱孫係好正常,你哋一定要好好同你奶奶溝通好。」點擊查看更多網民留言:

    點擊圖片放大
    +6
    +5

帖文內容獲《生仔要考牌系列》授權轉載。

同場加映:盧宛茵從不囉嗦不干涉湊孫 開通奶奶視新抱為好友婆媳相處零壓力

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦︰https://mewe.com/p/topick

責任編輯:王明芳