薛家燕月尾將榮升嫲嫲 BB腳頭好好帶挈嫲嫲爸爸接廣告

娛樂 15:43 2021/05/19

分享:

薛家燕月尾將榮升嫲嫲。

家燕姐月尾將榮升嫲嫲,BB未出生已經腳頭好好,帶挈嫲嫲與爸爸Jackson接廣告,由爸爸執導,嫲嫲做女主角!Jackson更請來6呎嫩口型男做男主角,講起同型男掂手仔,家燕姐都忍唔住「流口水」。

家燕姐談到拍廣告,要狂灌果汁落肚:「起碼飲咗3支果汁,搞到成日去廁所,但我鍾意飲,拍完剩番啲我都話唔捨得倒咗去,留番之後飲,所以越飲越多!我平時都鍾意飲果汁,仲要係無添加,而且free嘅梗係飲多啲啦!」

家燕姐談到拍廣告要狂灌果汁落肚。

再次母子檔合作,家燕姐有感Jackson要求一次比一次高︰「今次拍得幾開心同順利,導演Jackson一早做好晒準備功夫,所以準時收工,不過佢要求好高,上次要我做Captain Nancy打成十幾廿次,今次佢嫌我飲果汁飲得唔靚,話要做啲誘人動作,我都唔知點解要誘人,所以要問吓監製即係Justina (珊珊),佢兩個度好晒,有晒storyboard,話係客戶要求喎。」

問到同型男合作是否回春?她笑說︰「個partner叫Daniel,有型又識做戲,因為廣告要表情十足,佢又做得幾好,睇番play back發覺我哋幾襯,我直情成個青春晒。」

家燕姐與型男合作。

問到有冇掂到型男手仔?家燕姐笑指︰「手仔?有冇掂到呀?um眼神呢……哎呀,眼神呢……流口水添,眼神好多接觸,手仔就應該冇掂到(你隔咗幾耐冇掂過男仔手仔呢?)唔係好耐啫,我成日同人握手嘅,哈哈!咁拖吓手仔都係禮貌嚟,你知我隨和,又充滿偉大嘅愛,如果真正拖手仔呢排就冇喇,可惜因為疫情關係,大家要天各一方,惟有靠手機同電腦傾偈,希望可以快啲拖到手仔啦!」

撰文 : TOPick柴犬出動