【怪獸爸爸】港爸迫小一兒日默6個生字 寫錯罰抄8張紙至通宵達旦

教育 13:04 2021/05/27

分享:

一名港爸迫小一兒每日默寫6個生字,寫錯即罰抄,試過抄8頁紙至通宵達旦。

父母望子成龍很正常,但若然育兒方法太極端,可能會帶來反效果。近日有女網民於社交媒體分享,一名港爸迫就讀小一的孩子每日默寫6個生字,一旦寫錯即要他罰抄,試過抄8頁紙至通宵達旦,知情的網民指港爸虐童,想報警處理。

該名女網民本周二(25日)於facebook群組「大埔 Tai Po」發帖,表示一名就讀小一的小朋友,被其父要求每日要默寫6個生字,寫錯更會遭受抄寫懲罰︰

第一次考,錯一字抄二張,第二次四張,三次八張咁倍上去……

曾罰抄至清晨5時

樓主指出該名小一生一般不會錯第三次,他有時抄寫到凌晨1、2時,甚至曾抄至清晨5時。她批評,「咁嘅家長算唔算變態?我好想報警,有人虐童。」她留言回覆網民時直指港爸「有啲黐線」,而孩子的媽媽則採取放任教育,又透露︰

佢老豆就係覺得佢細個無人迫佢,依家書到用時方恨少。大個對父母有啲不滿,成就佢依家變成個死怪獸。

小一生有時罰抄至凌晨1、2時,甚至曾抄至清晨5時。(「大埔 Tai Po」fb圖片)

網民︰令小朋友更討厭讀書

帖文引起網民熱議,不少人指責港爸的管教方式,形容他做法「變態」,亦不懂教仔,留言「迫到佢以後見到英文就驚,陰影可以好大」、「咁樣小朋友只會更加討厭返學讀書」。不過,也有網民認為並無不妥,「個個細個讀書都係咁」。點擊看更多網民意見︰

    點擊圖片放大
    +10
    +9

建議媽媽出手救仔

此外,有網民質疑樓主就是小一生的媽媽,如她覺得不妥應想辦法解決,有感「你唔幫個仔冇人幫到佢」、「如果你係媽媽點解放喺呢度討論,而唔係阻止爸爸嘅做法」,也有人建議她聯絡學校社工幫忙。另有網民稱想小朋友學好英文,應多跟小朋友說英語、講故事、聽歌等,加深他們對英文的興趣,而且︰

如果經濟上有能力,可以去學英文拼音,只要學到拼音,記生字、讀詞語都無咁吃力!

同場加映︰從小開發左右腦培養出尖子生 媽媽分享記憶讀書法實戰篇

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦:https://mewe.com/p/topick

責任編輯:王明芳