【左右做人難】母親因揸筷子問題掌摑女友 港男呻:佢兩個都嬲咗我

親子 12:27 2021/06/07

分享:

一名港男大呻母親與女友因小事而爭執,表示夾在兩人中間感到無奈。

面對婆媳糾紛時,男士夾在中間往往左右為難。最近有港男在網上討論區分享,母親與女友因小事爭執,母親一怒之下掌摑女友,女友立即「爆喊走人」。其後港男大呻,母親和女友兩個人都「嬲咗自己」,對此感到大惑不解。

母親不滿女友拿筷子姿勢

近日該名港男在「香港討論區」發帖,指最近女友到家中作客,吃飯時被母親批評拿筷子姿勢不正確。女友隨即反駁指「食到嘢咪得」,之後雙方開始發生爭執,港男又指期間女友對母親說了一些侮辱性說話,「大家言語間都好激動」。

港男憶述,當時母親一怒之下掌摑女友,女友「即刻爆喊拎袋走人」。港男見狀立即追出去安慰女友,

佢發晒癲話我哋好過份,又話我唔幫口,叫我唔好再搵佢。然後我阿媽又話俾我哋兩個激死,話唔想同我哋講野。想問關我乜事?

網民:打人點都唔啱啦

帖文一出引來網民熱烈回應,有人形容「婆媳關係係世紀大難題,冇人解決到」,建議港男盡量避免讓母親和女友同場,以免引起糾紛。

另外有人認為港男的母親早已不滿女友,這次只是借題發揮,「我估樓主阿媽唔順女友好耐,借勢幫樓主分手」、「你阿媽擺明唔鍾意你女友,想借啲二想你哋冇彎轉。」亦有不少網民指,港男的母親動手始終是不對。點擊查看網民留言:

    點擊圖片放大
    +11
    +10

同場加映:盧宛茵從不囉嗦不干涉湊孫 開通奶奶視新抱為好友婆媳相處零壓力

TOPick「親子最營食譜大賽」,立即參加贏LC鑄鐵煲及香港迪士尼樂園門票等大獎,按此參加

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦:https://mewe.com/p/topick

責任編輯:王明芳