葉巧琳邀顧定軒荒野拍MV Mischa化身森林女皇與蛇蟲鼠蟻共舞

娛樂 16:37 2021/06/07

分享:

葉巧琳邀顧定軒拍《怪物 (心獸version)》MV。

音樂路上力求突破的葉巧琳(Mischa),最新派台作品《怪物 (心獸version)》再次找來憑電影《七月與安生》獲得金像獎最佳原創音樂的波多野裕介與Edward Chan聯手監製。

這位多年來的好朋友波多野裕介,在音樂上一路以來都全力支持Mischa,今次與她一同作曲,加上填詞界新生代Oscar負責填詞,Mischa更首度挑戰Nu-Disco跳唱曲風,MV更邀請了《全民造星III》隊友顧定軒(Zeno)參與拍攝。

MV充滿靈性

《怪物 (心獸version)》的創作意念是Mischa看過韓國大熱漫畫《Sweet Home》後獲得的靈感說:「《Sweet Home》談及每個人慾念好強時可以變成怪物,不過怪物可以係好可以係壞,我想喺呢首歌探討呢個問題。」

亦因這想法,MV導演湯駿業(AhDee)為Mischa度身訂造了一個充滿靈性的MV。

AhDee講述MV的故事內容:「Mischa喺MV裡面係森林女皇,呢位森林女皇代表慾望,當佢見到由Zeno扮演、代表希望與聖潔嘅純鹿時,邪惡嘅內心就諗到要將佢據為己有,而作為純鹿嘅Zeno亦都有慾望,就係想收服女皇,MV係希望展現人與人之間嘅慾望。」

森林女皇造型特別

由於是位森林女皇, Mischa今次的造型有別以往,她笑言:「係我過去咁多個MV裡面最浮誇嘅一次,場景裡面又有女皇椅,成件事好靚。」至於Zeno則以一身全白的裝束示人,Mischa見到後,覺得Zeno活像是宮崎駿動畫裡的王子。

問到今次為何找Zeno合作,Mischa即表示:「我好想收藏佢喺我嘅MV裡面!」Zeno也搞笑道:「我哋係喺《全民造星III》裡面嘅布偶表演相遇,但今次我成為咗Mischa嘅玩偶,成為佢掌心嘅玩具。」

搞笑過後,Mischa認真道出今次合作契機,她說:「Zeno好啱呢個角色,因為佢確實係小鮮肉。而平時大家一講起跳舞,就必定會聯想到節拍強勁嗰種,但今次我哋用咗跳芭蕾舞嘅美感配合落去MV裡面,成件事即刻升Class。」

與蟲蟻共處

可是近日天氣炎熱,Mischa與Zeno在拍《怪物 (心獸version)》MV時也熱得汗流浹背。

不過Mischa與工作人員都早有準備,如數家珍地說:「我帶咗5把風扇、抹汗專用濕紙巾同埋蚊怕水,化妝師又幫我買咗一堆一啪變冰嘅凍包,喺超熱時救命。」

要帶備蚊怕水全因MV在野外拍攝,入黑之後更是愈來愈多昆蟲出動,Zeno對Mischa說:「因為你係大地之母,所以召喚好多蛇蟲鼠蟻陪伴我哋啦!特別係好多飛娥喺我哋跳舞時喺我哋面前飛來飛去,但我哋又要好鎮定繼續跳落去!」

因實在太多昆蟲來襲,Zeno最終也免不了被蚊針到兩邊太陽穴附近的位置,不過Zeno笑言:「好在兩邊對稱咗,大家如果喺MV見到可能會以為係化妝呢!」

撰文 : TOPick柴犬出動