【老爺心聲】嫌新抱不做家務屋企亂七八糟 單親爸抱怨:阿仔你快快搵過第二個!

親子 16:28 2021/06/09

分享:

一名單親爸爸大呻新抱不做家務和煮飯,直言希望兒子另再娶妻。

今時今日,「男主外,女主內」的家庭觀念,在老一輩中仍然根深柢固。近日有單親爸爸在網上大呻,兒子和新抱尤如港孩般不懂做家務,家中亂七八糟。他更不滿新抱是事業型女性不會煮飯,直言希望兒子「搵過第二個」。

不滿兒子和新抱家中凌亂

該名單親爸爸在「香港討論區」發帖,指兒子和新抱已結婚兩年,最近首次獲邀請到其家中作客。他形容自己本身滿懷期待,怎料看到兩人家中亂成一團,慨嘆兒子和新抱兩人不做家務。

成堆衫喺櫈度唔摺,飯檯鋪滿化妝品。我話個仔唔執屋,唔洗燙裇衫返工咩?佢夠膽死話呢個年代唔使著咁好番工,隨手喺梳化拎件衫話去乾洗阿姨會燙啦…佢老婆仲勁,好順手掃化妝品落個袋,塞入櫃,再將堆衫移入房,一路移就一路跌…

他表示妻子去世前會間中到兒子家中幫忙打掃和煮飯,後來得知襯家奶奶也會幫忙拖地,因此抱怨「依家啲後生係咩家務唔識做」。另外單親爸爸不滿新抱只顧工作不煮飯,

我接受唔到所謂事業女性,廚房用黎擺咩LC煲,咩靚太唔煮飯㗎,好唔掂…阿仔你快快搵過第二個!

網民:放開啲

帖文一出引來不少網民回應,有人認為兩人已經是成年人會懂得照顧自己,著單親爸不必擔心,「你個仔接受到咪得囉」、「又唔係叫你一齊住,理得佢啦」、「佢哋過得開心就得」。另外有人建議他可向兒子和新抱提議聘請工人姐姐。點擊查看更多網民留言:

    點擊圖片放大
    +6
    +5

TOPick「親子最營食譜大賽」,立即參加贏LC鑄鐵煲及香港迪士尼樂園門票等大獎,按此參加

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦:https://mewe.com/p/topick

責任編輯:王明芳