【調教你MIRROR】陳卓賢內心藏難言之隱 梁祖堯傾談後對Ian改觀:是最真實的人

娛樂 11:01 2021/06/10

分享:

分享:

《調教你MIRROR》昨晚有Ian與Jer學整麵包。

ViuTV節目《調教你MIRROR》熱播,昨日(6月9日)適逢MIRROR成員Ian陳卓賢的生日,在昨晚播出《調教你MIRROR》第3集亦剛好講到Ian與另一成員Jer柳應廷被安排學整麵包,而麵包店的老闆娘更是Ian的粉絲。

麵包店老闆娘講及自己對Ian的看法,表示自己由《造星》時已有留意對方,覺得現時的他與當時參賽及剛出道有很大分別,多了顧忌與不快樂,而Ian亦相當認同她說出了他的心底話。

Ian也分享當初參賽只是抱試的心態,但出道後覺得大家都對他高度關注,不論幕前工作及私生活,令他的自我保護意識更強,不願表達過多感受。

【調教你MIRROR】成員互爆鏡頭後秘密 12子入營後放下心結友情更深【多圖】

梁祖堯指Ian是慢熱而聰明的人。(Instagram圖片)

梁祖堯初對Ian感擔心

而作為《調教你MIRROR》的調教人梁祖堯就在社交平台分享對Ian的感受,並指一開始很擔憂:

有人同我講,佢好聰明㗎,你做啲太低能嘅嘢佢應該未必會合作。有人同我講,佢好cool 㗎。如果你想打開佢個心恐怕冇乜可能有人同我講,佢好有自己嘅諗法㗎,你同佢講啲嘢如果唔啱聽,你預備定會有不禮貌對待啦聽咗咁多之後,心裏面有一半係擔心,另外一半更加係有一種想放棄呢一個人了。

點擊圖片放大
+4
+3

梁祖堯再分享Ian首次拍攝的經歷:

我哋拍攝上邊有一個好好嘅機制,就係我同大家講每一刻都真心傾偈,儘管可能有鏡頭影住,都真心傾,然後如果真係唔想出街嘅,我哋就同返製作團隊講頭先嗰段唔好出街。第一個行駛呢一個權利嘅人,係佢。

真係第一日拍攝,食完午餐喺酒吧裏面,我見到佢一個人坐埋一邊,我走埋佢同佢傾偈。當然傾偈嘅過程都有隨身嘅攝影機,傾完之後我了解佢多咗,然後佢話,頭先我哋傾偈嗰啲唔好出街。咁故之然,你哋亦都唔會見到,而我亦都唔會喺呢度話俾大家聽我哋傾過啲乜。

【調教你MIRROR】成員互揭入營後體會 最佳經理人花姐感慨:兒子不聽我話

相處後讚Ian聰明率真

意外地,Ian很快便願意對梁祖堯敞開心扉,令梁祖堯直言對他改觀:

由嗰一刻開始我對佢改觀。無可否認佢係一個慢熱嘅人,一個聰明嘅人往往都會慢熱,因為所有嘢睇定啲先收集多啲資料先下決定無論如何都冇錯。經過幾日嘅相處,無論係我或者幕後製作團隊,都感受到其實佢係其中一個最真實嘅人,嗰種真,就係連我唔係太信任你我都唔介意俾你見到,咁樣其實對大家都好。

點擊圖片放大
+6
+5

梁祖堯又提到安排MIRROR做戲劇練習:

幾日之後我哋做戲劇練習,哭得最斷腸,11個兄弟都完成,而他仍然在哭,彷彿抽離不出來。我帶領這種練習多次,第一次懷疑自己,是不是有些東西已經畫得太深,究竟之後我能不能夠填補佢心裏面呢一個洞?

他亦感謝Ian對他的信任,在過程中慢慢打開自己,令粉絲見到久違的童真笑容:

記得最後一兩日,你同我講,就算有啲嘢現實改變唔到,原來願意同身邊信任嘅人分享,每講一次就好似個角度已經有少少唔同,原來真係會輕咗,原來真係會開心咗。

我亦都必須喺呢度向你道歉,因為我一開始聽人哋嘅講法,已經對你有一種偏見,多謝你用你嘅行動提醒返我,每個人背後都有難言之隱,如果就憑片面之詞去判一個人死刑,呢一種偏見實在很差很差。希望你永遠都可以保持呢一個快樂嘅笑容,祝你生日快樂,永遠都快樂,親愛的Ian。

同場加映:陳卓賢專訪

撰文 : TOPick 柴犬出動