【買樓爭拗】港媽申請綠置居欲選九龍區 港爸堅決反對:住港島高級啲

親子 11:32 2021/06/13

分享:

一名港媽在網上討論區發文,指她與丈夫曾多次為選擇綠置居樓盤地區而爭吵。

新一期綠置居於日前截止申請,反應熱烈,房署表示收到逾5萬份申請。一名港媽在「香港討論區」大呻,指在申請綠置居時,丈夫堅持選擇港島區樓盤,認為「住港島高級啲」,令港媽感無奈,指一家人不論上班還是上學都在九龍區,「唔知去港島做咩」。

港媽在文中指,她與丈夫曾多次為選擇樓盤地區而爭吵,她認為選擇九龍區方便大家上班及上學,可是丈夫堅持選擇港島區,「佢由細到大都好想係港島區生活,原因係覺得港島區高級啲」。港媽對此表示不解,

我真係係唔明佢諗咩,我哋返工係九龍區,小朋友係九龍區讀書,去港島區做咩?

網民批港爸「死要面」

帖文引來網民討論,有網民指丈夫愛面子,「居屋仲扮高級,死要面……」、「固執呢啲嘢害死人」、「有本事嘅住半山、住私樓咁就話你叻啦!」、「銀包一百萬都沒有住甚麼港島私樓或居屋,自量下吧……」。

有網民則表示理解港爸的想法,「的確有啲人係咁諗,唔係樓價點會有分別」、「咁同人講話住港島區又真係幾威威嘅」、「港島區的而且確好,不過食嘢係貴過其他區,灣仔區茶餐廳好貴」。

    點擊圖片放大
    +5
    +4

同場加映:楊潮凱28歲結婚買樓組幸福家庭 全靠老師太太看準時機成功上車

TOPick「親子最營食譜大賽」,立即參加贏LC鑄鐵煲及香港迪士尼樂園門票等大獎,按此參加

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

TOPick登陸MeWe啦:https://mewe.com/p/topick

責任編輯︰王明芳