【聲夢傳奇】何晉樂+冼靖峰有望打入三甲 Chantel《戀愛預告》影片破200萬點擊率

娛樂 13:57 2021/06/16

分享:

《戀愛預告》Chantel愈戰愈勇。

TVB節目《聲夢傳奇》的競爭漸趨白熱化,繼GiGi(炎明熹)憑《沒有你還是愛你》先聲奪人後,年僅14歲的Chantel(姚焯菲)及Yumi(鍾柔美)亦先後憑《戀愛預告》及《心急人上》備受關注。

其中樣靚聲甜的Chantel,獻唱片段上載網站短短10天已突破200萬點擊,留言逾2.1萬 (截至6月16日早10時半),並繼續穩佔熱搜榜第一位,其IG粉絲人數亦由2萬零急升至4.3萬,十分利害。

Chantel唱《戀愛預告》影片,在短短10日已突破200萬點擊率。

有Chantel粉絲更甚有創意地以「颱風消息」形容其銳不可擋的走勢:

超強颱風焯菲(Chantel)集結在香港東南偏南約180萬view,即在北緯, 李生嗰度,東經, JW嗰度附近,預料向西北或西北偏西移動,時速約1萬view,移向廣東西部沿岸。在過去一小時,橫瀾島、林珊珊及鄭國江泳灘分別錄得的最高持續風速為每小時5000 view、7000 view及6000 view,最高陣風分別超過每小時2萬view、1萬view及4萬view。

Chantel愈忙愈精神 

對於網民如此具創意,Chantel大讚有趣:「冇諗過可以咁樣形容我,多謝。」

現時忙於考試兼應付比賽的Chantel,笑言愈忙愈精神:「呢排係真係少咗休息時間,但唔知點解,我瞓得愈少好似愈精神咁。(有冇壓力大咗?)自己係畀自己好多壓力,因為想做得好啲,唔好令人失望。」她又謂很感激大家喜歡她這個重新演繹的《戀愛預告》。

    點擊圖片放大
    +6
    +5

網民戥Rock落敗不值

另外,在上周六的比賽播出後,紅隊隊長Rock (何晉樂)的《等》及Archie(冼靖峰)的《黑夜不再來》,由於演出超水準,亦令二人殺入三甲呼聲漸高。

不少網民戥Rock於比賽中輸給Gigi不值:「簡簡單單有感情,真係聽到好感動。所以呢首歌想為Rock平反,覺得佢好聽d,推呢首上去。」、「聽歌聽到喊,唔係個個歌手做得到。」、「Rock唱到嗰種悲哀傷心嘅感覺,係我聽過原唱者之後最好嘅版本。」、「輸咗評判 但贏在民意」。

獲大量網友力撐的Rock,則公開留言答謝支持:「好多謝咁多位嘅愛戴,好多謝大家包容我嘅瑕疵。心理係我最大要克服嘅難題,我會繼續努力!」

校長譚詠麟聽完Archie唱《黑夜不再來》後,起立拍手叫好。

Archie被看好殺入三甲

Archie亦獲得近乎一面倒好評:「有實力、有台風、識得享受舞台、性格好…一定會攞到頭三名!」、「Archie加油,直入3強同Gigi鬥過。」、「全晚唱得最好係佢,我覺得。佢唱歌有種妖媚嘅風格喎。」

而Rock與Archie的獻唱片段,3日間分別錄得超過30.7萬及23.8萬點擊。

同場加映:Gin Lee訪問

撰文 : TOPick柴犬出動