【道聽塗說】加鹽加醋妖魔化被judge的人 鄭丹瑞:Judge人有殺傷力

親子 13:17 2021/06/17

分享:

分享:

Judge人沒有成本,卻有殺傷力。

我曾經為某個老闆拍戲,有朋友知道這消息後,立即把我拉到一邊,溫馨提示,語帶警告:「你同呢條友合作?佢出咗名唔俾尾期㗎噃!」「係咩?」我一頭霧水:「佢唔單止出咗尾期俾我,連下一部戲嘅首期支票都已經放喺我枱面。」

好事之徒打算請一個助手,一眾損友知道這個助手是誰後,紛紛留言警告好事之徒:「呢條友好懶㗎噃!」「佢喺舊公司成日唔返工嘅。」好事之徒回覆大家:「但係佢好聰明噃,我就係睇中佢呢一點。」

同一個人,在某些人眼中,他只有很多缺點,但在另一些人眼中,卻看到他的優點。我們太習慣動不動就去judge別人,「因為judge人唔使成本吖嘛。」智者說:「他們大多數都是道聽塗說,人家說甚麼,他只會加鹽加醋,妖魔化被judge的人,在他們眼中,對方只有缺點。」

我完全明白智者的意思,譬如好事之徒說他的助手是個聰明人,別人一樣會批評:「太過聰明會變成懶叻,聰明反被聰明誤。」好事之徒說自己也曾經被別人judge過:「我都曾經俾人話係一個無良僱主,不過,大家唔了解我都係好事嚟嘅,否則,佢哋只會將我批評得更衰。」

人人有權去judge別人,但我們亦有權不去理會這些「貪口爽」的批評,自己有自己的judgement,一切眼見為憑。Judge人沒有成本,卻有殺傷力。

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【hket TV家庭台】《湊得輕鬆啲》逢周三晚上10點伴你同行育兒路:https://bit.ly/35z6COD

原文刊於《經濟日報》,原題為「Judge人唔使成本」

撰文 : 鄭丹瑞