【Mean Talk】珍姐勸何廣沛退出娛樂圈 郭子豪自爆與女友鄧卓殷甜蜜生活

娛樂 14:01 2021/06/23

分享:

《Mean Talk》

林盛斌(Bob)、江美儀主持的TVB節目《Mean Talk》,在今晚(6月23日)播出的一集請來何廣沛、郭子豪及方紹聰任嘉賓,本身十分老友的三人在節目互窒。

入珍姐房苦練咬字

近期以Mean見稱的美儀及Bob,讀出三子大量負評,其中何廣沛被抨擊:「把聲真係好難聽!耳朵流產呀!」

何廣沛、郭子豪及方紹聰任《Mean Talk》嘉賓。

廣沛聞言直認最近遭珍姐(曾勵珍)「提點」:「佢話我講嘢真係唔得,做得好差,不如唔好做呢行啦!嗰刻我終於知道嚴重性。」他又指曾在珍姐房間練英文咬字長達一小時,並謂十分感激珍姐培育及耐心教導。

失場皆因情緒病

郭子豪則被追問當年鬧至滿城風雨的失場事件:「當時係種種原因導致自己入面亂晒籠,原因包括屋企,當時同前女友關係處理得唔好。總之唔想見人,有情緒問題。我直頭熄咗手機幾日,匿喺屋企。」子豪更感激當時劇集監製潘嘉德的暖心慰問。

即場打電話給孫慧雪。

至於方紹聰就大爆好友孫慧雪「義氣事件簿」,期間美儀與Bob更即場致電雪雪「套料」兼逼供!

子豪又自揭與女友鄧卓殷的肉麻點滴,原來從兩年前開始,二人每晚均會開住video call入睡,令美儀與阿Bob大嘆:「Sweet得嚟好癡線」,子豪續說:「瞓住都唔會熄架部電話,第二朝瞓醒又見到對方咯。如果佢仲未醒,我咪開住個call做住自己嘢先。」

撰文 : TOPick柴犬出動