【Mean Talk】江美儀問單立文有否召妓 滕麗名自爆與丈夫幾乎離婚
發布時間: 2021/06/24 13:35
最後更新: 2021/06/29 13:48
▲ 單立文(豹哥)與滕麗名任《Mean Talk》嘉賓。
林盛斌(Bob)、江美儀主持的TVB節目《Mean Talk》內,之前江美儀在節目披露離婚感受片段曝光後,惹來全城熱議,今晚(6月24日)新一集《Mean Talk》除有江美儀講婚變感受的足本剖白外,嘉賓單立文(豹哥)與滕麗名亦連環自揭不為人知秘密。
這一集《Mean Talk》內,主持阿Bob及江美儀雖然被單立文反客為主,但單立文也自揭與太太之間存在「虛擬二奶」:「我所有朋友都知我有小三,精神出軌係好好玩嘅嘢。」
【Mean Talk】被提與吳君如胞弟吳君祥離婚事件 江美儀痛哭:我人生係咪應該繼續落去






豹哥暗戀王菲
嘴多多的豹哥更主動問滕麗名:「你接唔接受到你老公叫雞?」美儀睇唔過眼,即反問:「咁你會唔會叫雞吖?」豈料豹哥回應:「點會對住鏡頭話自己叫雞架,你係咪癲咗呀?你做主持人用吓腦啦!」
此外,豹哥又大爆初出道拍劇時,曾因抽離不到角色愛上王菲:「夜晚瞓覺會掛住佢,第二朝見到佢又會好似好開心咁,但當時佢已經結咗婚。」







滕麗名曾陷離婚危機
滕麗名坦承與丈夫曾險些離婚,幸好後來靠一句話化解危機。
豹哥與阿滕閒談間提及李家鼎(鼎爺),阿滕透露對方曾救自己一命:「嗰時《尋秦記》我要拍騎馬戲,啲馬係未受過訓練嘅,跟住導演要我騎住一隻,手揸住一隻,仲要係咁跑,手上面又有劍又盛,但嗰兩隻馬打交喎,我真係搞唔掂,咁我離遠見到咪叫鼎爺救命咯。」
同場加映:滕麗名訪問
撰文 : TOPick柴犬出動