【先哭為敬】欣宜+Serrini拍MV一見如故 黃偉文驚喜現身打氣

娛樂 11:51 2021/06/28

分享:

許崇謙、Serrini、欣宜、黃偉文(左起)合作新歌《先哭為敬》。

由梁嘉茵(Serrini)與許崇謙(HimHui)作曲、黃偉文(Wyman)填詞的欣宜新歌《先哭為敬》,原本是為一位男歌手所寫,因緣際會被欣宜選中。

由於獨唱版反應好,再下一城,邀請Serrini來一個合唱版《先哭為敬(尾班車 Version)》,並包了一架電車遊叮叮河拍MV。拍攝當日,欣宜與Serrini才首次正式見面,欣宜形容二人仿如「同一塊布」,同聲同氣,雞啄唔斷,還在電車上層齊齊𥄫靚仔。

欣宜Serrini一見如故

今年元旦,欣宜與Serrini在頒獎禮同場後,引爆網民熱話,紛紛留言希望她們合作演出。

其實早在去年欣宜加盟寰亞時,已主動向公司要求與對方在音樂上合作,期待擦出火花,果然在公司積極牽紅線下,如願以償,她非常開心。

欣宜透露由收Demo到拍MV前,與Serrini一直都只是「網友」,拍MV日終於首次見面,一見如故。

欣宜說:「我有睇Serrini嘅演出和MV,好鍾意佢嘅歌聲和風格,感覺我同佢好似來自同一塊料子裁出嚟咁,雖然各有風格但又好夾,所以我同公司講好想同佢合作,終於等到佢嘅Demo,一聽就好鍾意。可能唔輸得嘅性格,見到『男人歌』三個字就偏要唱。」

但到底這歌原本為誰寫?欣宜旁敲則擊,Serrini和HimHui卻非常口密。

Wyman驚喜現身

合唱版MV拍攝當日,包了電車遊走銅鑼灣、跑馬地和中環,除欣宜和Serrini,另一位作曲人HimHui亦亮相MV彈結他,填詞人Wyman驚喜現身探班打氣,還有商台DJ謝茜嘉現場訪問錄音,見証欣宜和Serrini 友誼之路,好朋友們迫滿車廂,非常熱鬧。

欣宜心情大好,未埋位時扭腰跳舞又風騷向途人揮手,被拍照時攞甫士任影唔嬲。Serrini初時比較含蓄,但電車駛到跑馬地在運動場附近時,欣宜與她手指指又細聲講大聲笑,原來她們在𥄫靚仔。

初次見面,欣宜一見面就讚Serrini:「好羡慕佢條腰,我無呀!」Serrini大讚欣宜皮膚好靚和佩服她的自信。

欣宜堅強奮鬥

欣宜坦言:「我試過素顏戴帽,以為無人發現,結果一樣被人認出,咁算啦不如我擺埋甫士,最緊要影得我靚啲!」講到「哭」,她們異口同聲表示大個女,不隨便流淚。

至於Serrini說:「依家會睇戲或者同朋友傾傾吓偈會眼濕濕。」欣宜非常認同:「我依家亦好少因為辛苦或傷心而喊,反而會為別人將負面情緒轉化為正面力量,堅強奮鬥,我會感動到喊。」

撰文 : TOPick柴犬出動