【識貨】何遠東餵黃美棋食果乾全場起哄 細細粒為贏爆好友張秀文大鑊

娛樂 13:39 2021/06/29

分享:

TVB綜藝節目《識貨》進入第二周比賽,經首輪淘汰後,8位「見習主播」除原有的陳自瑤、黎諾懿、陳嘉佳(細細粒)、何遠東、路芙及黃頌明外,新加入郭子豪及丁子朗。眾人需繼續在沒有劇本的情況下,靠口才、急才及轉數等爭取「最強帶貨王」銜頭。

細細粒陳嘉佳上周表現出色。(大會提供)

上周表現亮眼的陳嘉佳(細細粒),在今(29日) 晚播映的競賽環節信心十足。推銷瘦身曲奇的她,不但向主持鄭裕玲及星級顧客團大派試食曲奇,更出奇不意拉好友張秀文落水:「港姐代表,我識你咁耐,平時你食一粒澱粉都怕肥,呢隻曲奇你唔使驚!佢用『陷人』(杏仁)粉整架,啱晒你食。」張秀文聞言哭笑不得、尷尬非常。

【識貨】陳嘉佳做內地人氣吃播口才了得 細細粒自知身型肥胖成戀愛障礙

而同樣與張秀文熟稔的何遠東,推銷健康果乾零食時亦學細細粒拉好友落水,要張秀文幫忙派試食包之餘,又叫張秀文做「阿姐」,嚇得張秀文急忙澄清謂:「撞鬼你呀!喺DO姐面前嗌我阿姐!」為了增加噱頭,何遠東又親手餵黃美棋BB食果乾,惹來全場起哄,場面搞笑。

    點擊圖片放大
    +5
    +4

比賽後,張秀文笑謂:「佢哋爆完都唔覺得自己有問題,又點會請食飯?完全感受到咩叫朋友係要嚟出賣嘅。」不過張秀文最後以德報怨,大讚細細粒專業:「佢哋直播前真係好忙好多事要處理,好在細細粒好專業,控制到個節奏。」

《識貨》新一輪淘汰賽以「識貨主播拍賣會」形式進行,各主播需先在指定時間內硬銷自己吸引經銷商合作,之後各人再有一分鐘時間遊說現場「星級顧客團」入貨,銷售成績最好四名方可晉身下一輪比賽。

【識貨】童年家貧多病痛曾歷車禍裁員 路芙逆境自強創品牌學帶貨為生

撰文 : TOPick 柴犬出動