七仙羽「進軍」樂壇跳唱MV《師傅愛你》 七師傅:我一直都有練習跳舞

娛樂 16:40 2021/07/02

分享:

分享:

七仙羽師拍MV

七仙羽師傅為某電子支付營拍廣告,並勁歌熱舞拍MV《師傅愛你》。今次七師傅「勇闖」樂壇之作,更是以韓國女團舞蹈元素糅合香港1980年代電子曲風而成。

七師傅直言今次主唱《師傅愛你》非常有挑戰性,但遇強愈強:「見我身材保持得好,因為我一直都有練習跳舞,之前亦都有喺電視節目表演過中國扇子舞。今次新歌《師傅愛你》嘅編舞有韓國女團感覺,舞步又要扭腰又要成日要走位,難度唔小,都練咗一排,不過我都駕馭到嘅。」

MV拍攝當日,見慣大場面的師傅坦言緊張,但毫不影響拍攝當日超水準發揮。力臻完美的七師傅,更多次於導演收貨之後主動要求再次拍攝,務求將最好的體態、表情、情感呈現予歌迷觀眾,就連導演以及一同拍攝的舞蹈員都驚嘆七師傅對完美的追求與執着。

七師傅表示:「要我又跳又唱真係第一次,希望大家鍾意,支持我。記得要睇多幾次MV,因為係MIRROR嘅MV攝製團隊拍,成品好靚好好睇。歌詞都填得好有心思,易記易上口,聽多幾次,師傅愛你。」

撰文 : TOPick柴犬出動