【盛‧舞者】狄易達忍痛Foul隊員 《愛‧回家》奶仔方紹聰+陳俊堅獲激讚 

娛樂 11:56 2021/07/09

分享:

《盛‧舞者》

 TVB真人Show《盛‧舞者》,在昨晚(7月8日)播出第4集,這本集以「團隊」為題,由導師麥秋成、狄易達、王君馨率領的三大戰隊「TX Crew」、「Last Attack」及「Hot Flavaz」在巨型躉船展開首場團體賽。

當中包括齊舞團體編舞及Crew Battle兩個回合,每個回合結束後,將再有一名舞者被淘汰,意味著躉船之戰總共會淘汰兩名舞者! 

大騷高難度動作

比賽開始前,主持錢嘉樂帶出齊舞中心思想「冇個人主義,全部Team Work」,再介紹駐場DJ及6位評判後,充滿汗水及力量的齊舞比賽馬上展開。

縱觀三隊表現勢均力敵,凌空飛躍、捐山窿、起飛腳、扭腰、電臀、前滾翻、側手翻、後空翻、倒立、單手倒立等動作充斥畫面,配合獨特航拍角度,及現場充滿節奏感音樂,極盡視聽之娛。

表演完畢後,跳舞出身的達仔不忘為默默付出的舞者們發聲:「我認識好多Dancers,成日覺得自己係伴舞,所以呢隻舞我叫佢哋唔好當自己係伴舞,佢哋每一個都係HERO。」

秋成隊表演。

演出獲評判激讚

最終加入了Stepping元素、每位隊員都有貢獻編舞部分的秋成隊「TX Crew」,以264分先贏得第一回合,並獲得評判一致好評:「賞心悅目!大家好盡力,非常好睇,Feel到所有人都有付出,主題Build Up得好好,有啲位我睇到有呼吸停頓(屏息靜氣)嘅感覺。」

其中方紹聰(奶仔)及陳俊堅更被點名力讚:「我睇到你哋兩個嘅投入,你哋畀我睇到你哋想Draw我睇到你哋嘅力量,你哋好享受、將件事一路帶到去最好睇。」

狄易達Foul人睇態度

君馨的「Hot Flavaz」則以240分排名第二,評判指失分原因與基本功不足及頭段大家未夠專注有關,但不忘大讚君馨隊的紅色隊服有心思及是加分部分。

君馨隊表演

至於達仔的「Last Attack」則以229分排名最後,達仔更因此需要Foul一名隊員出局,最終達仔忍痛選了子貴:「雖然佢係我第二個揀入隊嘅人,但尋日排舞我講咗好多次要準時…對唔住我一定要Foul你,因為呢個係態度問題。」

子貴臨離場前,則不忘叫大家多關注街舞:「街舞依家已好有文化、規矩同制度,有好多唔同Style,大家如果接觸到,希望你哋可以多加欣賞,去了解呢個文化。」

達仔大讚隊員每一個也是英雄。

撰文 : TOPick柴犬出動