【後生仔傾吓偈】馮盈盈船P出意外受傷 FYY入院縫針嚇到尖叫

娛樂 18:29 2021/07/09

分享:

分享:

馮盈盈、陸浩明主持《#後生仔傾吓偈》。

TVB綜藝節目《#後生仔傾吓偈》的一班主持馮盈盈、戴祖儀、陸浩明(6號)、孔德賢、黃凱儀(波波)等,早前走出錄影廠,齊齊出海開船P。不過盈盈開工期間卻發生意外,不但血流如注,更因而入院綘了6針。

今日 (7月9日) 下午,受傷未愈的盈盈在助手摻扶下一拐一拐現身《#後生仔傾吓偈》錄影現場;穿著拖鞋的盈盈,右腳腳趾公「包到成隻稯」咁,行動力亦大受影響,需要助手常伴身邊幫忙。開朗的盈盈依然與現場工作人員有講有笑,期間更遭同事封為「縫六針」,令她哭笑不得。

盈盈在船上出事前拍的照片。

及後盈盈接受無綫娛樂新聞台主播許文軒(Edmond)訪問,笑著「還原」事發經過:「嗰日其實我已經唔使玩啲好激烈嘅水上遊戲,只係留喺船上面做好主持嘅工作,點知偏偏我係最傷嗰個。」

盈盈指,當時可能未有為意船上翹起了的鐵片,結果腳趾公因而遭殃。她說受傷當刻沒有半滴血,但過了數秒後即時血如泉湧,但當時盈盈未覺得太痛:「但現場同事就好緊張,同埋見到有塊皮反咗出嚟。跟住我就用水沖個傷口啦,呢個時刻啲血就係咁湧出嚟喇。」

盈盈表示受傷一刻不覺得太痛。

她又謂到醫院後,聽到醫生表示需要綘針後才知事態嚴重,更嚇至哭了出來。

她又笑指原來打麻醉針才是最驚嚇:「打針先係最痛架!支針一拮落嚟,我就尖叫咗出嚟,全個醫院都聽到。我唔知係咁,因為我第一次縫針咋。」盈盈又表示要感激同樣受了腳傷的6號雪中送炭:「佢有個透明膠袋,可以喺沖涼嘅時候包住等傷口唔會入水,我就問佢借咗嚟用,佢話好彩佢未掉。」
 

撰文 : TOPick柴犬出動