【黎明演唱會】Leon為鄭秀文破例騷舞功 Sammi久休透露再開紅館騷

娛樂 10:40 2021/07/12

分享:

鄭秀文任Leon個唱嘉賓。

黎明紅館演唱會《Talk and Sing》昨晚舉行第二場,並邀來嘉賓是鄭秀文,Sammi並即晚已在社交平台上載表現短片。她跟黎明曾合作電影《愛你愛到殺死你》,多年後再在舞台重逢,二人並大跳《信者得愛》,Leon更為Sammi罕有晒舞功。

鄭秀文昨晚在IG發布紅館後台片段,留言:「今夜再踏入紅館。搵返自己曾留下的腳毛。🤪腦𥚃馬上浮現兩年前在這裏興奮舉行Follow mi 🔥😆#想起跟全場觀眾一想瘋狂舞動瘋狂high真的超開心😁#有幾多俾幾多的感覺返來了#下一個演唱會又有下一個演唱會的新意念」

【黎明演唱會】黎明林海峰紅館棟篤笑 林公子爆Leon家事:屋企陰氣好重

而昨晚鄭秀文唱《信者得愛》時,黎明亦忍不住展示舞技,隨著音樂跟着跳動,Leon向來絕少跳舞,這晚為好友破例,現場觀眾固然興奮,連Sammi也大拍手掌。

合唱前,Sammi扁咀說本來想唱新歌,但Leon卻指定唱另一首,Leon立即轉話題:「Sammi新MV好正,我好期待,聽講拍咗20個鐘。」Sammi說: 「係,好貴!唔係話貴一定好,但好有誠意!(貴一定有誠意)有時唔貴就用誠意搭夠⋯⋯哎吔,我唔夠你講,我要唱歌啦!」二人合唱《信者得愛》,Leon不但戴上太陽眼鏡伴舞,更Rap歌,Sammi和觀眾都非常驚喜,全場歡呼尖叫!
 

    點擊圖片放大
    +5
    +4

二人在台上又分享「出汗」心得,他說:「Sammi,你做運動Keep Fit好勤力,我見你流好多汗。咁你知唔知我點Keep Fit?(你有Keep過 Fit咩?)有。(係喎,Fit咗喎!)」

Leon續說:「我係用日本風呂式。(即係點?)首先開個Bath。(除唔除衫?)除衫,然後浸落去。(嘩,好有畫面喎!)諗住自己喺日本,聽風呂音樂浸20分鐘,起身著返件浴袍,房入面開28度空調,食碗辣麵,坐15分鐘,成身流晒汗,肯定冇咗3至4磅。(包你流埋鼻血添呀!)唔會啩?(每個程序都咁熱辣辣。)」Sammi笑說:「又浴缸又除衫,好有畫面⋯⋯見到你啲肥肉呀!依家冇,依家好Fit!」Leon說:「肥肉會慢慢變少,水份嚟啫!」

Leon再向Sammi請教節食減肥,他說:「有啲人減肥,每日只食一粒豆,你有冇試過?」Sammi說:「一粒豆?減肥?呢個唔係減肥法,係減壽法喎!一日一粒豆真係唔掂,起碼食兩粒,早晚各一粒,飽啲!」全場爆笑。

Leon續說:「好多人都以為我不斷減肥,其實我依家做嘅功課唔係減肥係Keep Fit,做運動和食得健康,最緊要健康,肥嘅瘦嘅都唔緊要。今日嚟到呢個舞台見到你,依然咁靚仔!」

(圖片:寰亞)

Sammi:打開了黎生的腿

Sammi騷後在IG留言:「Mi的『信者得愛』成功打開了Leon的……..腿和腳😆黎生跳舞!而且是很狂野嗰款😂👍🏻城城見到應該會鼻水直流怯一怯。 (I'm just kidding!!! 城城是the best 舞王👍🏻😙)Mi在台上忍唔住狂笑😂Leon 跳。舞。Mi 。 唱。歌。哈哈!今晚好好玩。」

她又在IG連出兩post,留言:「謝謝黎生的邀請。#Mi今晚成功打開了黎生的腿😆😆#信者得愛的魔力#mi的演唱會癮出來了😁🔥#看來我要快快想想開concert的事!dancelikenobodyswatching 🤣#瘋狂mi遇上斯文黎🤣🤣」黎生跳舞!好狂野😂#黎樹根朱金梅合體#黎生比mi搞到興烚烚瘋狂起舞😂#支持好可愛的黎生😙」

    點擊圖片放大
    +7
    +6

Sammi同時透露自己有意再開紅館演唱會,令不少網民感期待。

同場加映:姜濤訪問

撰文 : TOPick柴犬出動