【黎明演唱會】精選林海峰+鄭秀文+林日曦精華片段 Leon透露下次開棟篤笑

娛樂 11:09 2021/07/13

分享:

黎明三晚演出受好評。

黎明一連9場的《Leon黎明Talk & Sing 2021紅館演唱會》,昨晚來到第三場,繼首兩場的嘉賓為林海峰、鄭秀文後,第三場的嘉賓曾跟Leon一同拍廣告的林日曦,「腦細」林日曦更罕有開金口,跟Leon台上合唱。

黎明昨晚一如過往,在嘉賓環節,落台下親自拖著嘉賓升上舞台,而林日曦與黎明台上拖手的場面,現場觀眾大呼「大叔的愛」!之後林日曦又跟Leon合唱《但願不只是朋友》。

Leon紅館騷勾起不少回憶。

【阿Sir早晨】重溫白淨古天樂靚仔look 李綺虹初出道獲黎明欽點做女一

Leon台上再爆金句

林日曦在台上分析演唱會名:「今次個演唱會叫『Talk&Sing』,Talk比Sing前,代表Leon終於公開承認自己鍾意講嘢多過唱歌!我可唔可以要求Leon下次真係開talk show?為鼓勵你開Talk Show,我連名都幫諗埋,今次叫做『Talk & Sing』,下次叫做『Talk&Talk』,淨係talk 冇sing。」

他再說:「佢好似唔係好鍾意,不如叫『情深金句未曾講』。又好似唔多鍾意,真係好難服侍,不如就叫做『對不起 我愛講嘢』。」Leon終於開口:「其實兩個名都幾好,不如我casual 啲叫『夏日傾偈』!」全場拍掌。

黎明又拉住他,說:「你今日唔嚟,本來只係一個正常黎明演唱會,腦細嚟咗,將成個紅館變成公司例會。」林日曦指他又爆金句,說:「好多人問我平時點同黎明傾偈?我心諗:有幾難明?明就明,唔明就黎明!」黎明認同:「係囉,今日唔明,聽日自然明啦!」林日曦:「其實我都算係少數人同佢溝通到,佢有金句,我都有銀句,有慧根可能聽得明,留心小小就得。」

然後重演Leon邀請林日曦的電話對談,黎明說:「曦,我紅館開台想搵你做嘉賓。你知嘉賓好似香檳咁,唔飲無問題,飲咗更加High。」林日曦答:「做嘉賓無問題,有無酬勞?因為酬勞好似香檳咁,有都得,無就更佳!」黎明又說:「酬勞無問題,你肯唱歌嘅話,酬勞更加高!」

林日曦表示唱歌無問題:「揀歌同揀朋友,最緊要真心。我睇返之前拍廣告,踩單車嗰次,都算係『初代大叔的愛』,所以揀咗一首你嘅舊歌,你俾隻手我。 呢首歌代表我嘅心聲:《但願不只是朋友》。」他們手拖手對唱,更不時情深對望,全場大合唱,掀起高潮!

重溫Leon唱《蒙著嘴》

另外,黎明今日在官方社交平台,剪輯了過去三場的精華片段,當中包括跟林海峰合唱《夏日傾情》及幾句《蒙著嘴說愛你》;第二場跟鄭秀文跳唱《信者得愛》,以及昨晚跟林日曦的片段。

    點擊圖片放大
    +6
    +5

Leon並留言:「多謝大家嚟到」,盡在不言中。短片發布後兩小時已有過萬讚好。

同場加映:糖妹訪問

撰文 : TOPick柴犬出動