黃妍《輕盈》MV訪深水埗日與夜 Cath食雪糕減壓不怕變肥

娛樂 18:18 2021/07/15

分享:

黃妍新碟《九道痕跡》記錄這兩年的變化與成長。

唱作女生黃妍(Cath)花兩年時間籌備新專輯《九道痕跡》,將於明日(16日)面世!主打新作《輕盈》就去到文青新地深水埗一帶取景。

Cath解說:「深水埗近年多了好多文青、手作舖頭,對於好多文青人,在早上以一個好 chill、好relax、好靚狀態去打卡,但其實入夜的深水埗依然會見到好多沉重事,所以我跟團隊構思MV時,就打算自已一個人以較自在姿態在區內遊走。」

但Cath拍MV時卻完全chill不來:「我們最後上了天台拍,天台一入夜就有老鼠曱甴!其中一幕我伏在石壆位,但有隻曱甴在我側邊,crew不敢出聲,到我拍完離開見到,嚇到即刻彈開!另外我也見到老鼠在天台電線上面行,好似行鋼線,真係嚇死!」

在舊樓天台拍攝。

Cath就是看中了深水埗這種日與夜之間的鮮明對比。Cath近來轉走暗黑系路線,拍MV感覺又會否很不同?她笑說:「我覺得暗黑系更好玩!其實不是指暗黑系,如果間中MV可以不用太開心,會有新鮮感嘛!近來拍MV的歌都是不同情緒作品,有時放空就可以完成到,都幾好玩幾爽!」

遊走文青地。

《輕盈》講如何以輕盈姿態去面對沉重的世界,問到平日如何釋放壓力?「以前會去旅行,尤其以前返office時,有壓力就放假去旅行,但現在疫情無得去旅行,我會食雪糕!例如有時工作好攰,夜晚會突然好想食雪糕,我覺得是一個情緒發洩,去釋放壓力方法。」

隨着推出新專輯,Cath將於本月24日(下週六)於旺角始創中心地庫CD Warehouse (CD 連鎖店) 舉行《九道痕跡》簽名會!

撰文 : TOPick柴犬出動