【寶寶大過天】陳自瑤演技日趨成熟具女一風範 張頴康獲封絕世好老公

娛樂 14:09 2021/07/16

分享:

《寶寶大過天》

TVB劇《寶寶大過天》今晚(7月16日)大結局,兩位靚媽康雅悠(岑麗香飾)及雅悠表姐葉帆(陳自瑤飾)各有各難題,兩人最後到底能否守得雲開?

近期走勢銳不可擋的YoYo,劇中角色背景本身已十分複雜,近日還要面對小產之痛,雖然表面看似平靜,但卻半夜躲在廁所瘋狂偷吃朱古力,暖男老公關志淙(張頴康飾)看在眼裏大感心痛,並竭盡所能保護老婆,不惜哭著跪求送貨工人搬走BB物品免刺激愛妻。網民看了紛紛大讚二人演技大爆發,並表示肉緊及心痛。

有網民大讚YoYo戲路廣,宜古宜今潛力無限,亦有人讚她演技日趨成熟有女一風範:「覺得佢做得唔錯,打扮真係可以做到一個普通師奶冇晒艷光。」、「佢一直都好努力做好佢自己,努力係會畀人見到。」

張頴康則獲網民大讚絕頂好老公,細心、溫柔又有耐性:「有冇人咁偉大又大愛?」、「只有在電視劇出現嘅男人」、「靚仔過馬明」、「張頴康啲戲真心都好好,今日佢抱YoYo喊嗰Part,我都想喊。」

提到獲網民封「絕世好老公」,張頴康開心回應謂:「首先要多謝網民欣賞,同埋寫故事嘅製作部。」問到真人是否同樣「暖男」,他即大放閃光燈謂:「我都覺得自己係暖男老公嚟,因為我有好老婆所以先成就到。」

問到寵妻秘訣,張頴康大方開心share:「都係好簡單嘅嘢,遷就太太,太太想要乜,唔好要佢開口講先做,應該知佢鍾意啲乜架嘛,咁就私底下畀啲驚喜佢,等佢開心吓同唔好覺得自己只係負責照顧家人嘅一個女人,要畀佢覺得你愛佢,要令老婆覺得自己係少女,同有被愛嘅感覺。」

撰文 : TOPick柴犬出動