【大叔的愛】教主盧瀚霆千字文剖白對阿牧不捨 Anson Lo:真係好享受演戲!

娛樂 12:04 2021/07/18

分享:

千字文剖白對阿牧不捨心情,Anson Lo:「真係好享受演戲!」

人氣劇集《大叔的愛》於前晚(7月16日)播出大結局,由MIRROR成員Anson Lo(盧瀚霆)飾演的凌少牧與Edan(呂爵安)飾演的田一雄排除萬難終於走在一起。而飾演阿牧的Anson Lo昨晚在社交網站撰寫千字文,表達對角色及劇組的不捨。

「田牧CP」於前日播出的《大叔的愛》大結局中,終於有情人終成眷屬,最後更上演深情互吻,截圖再度洗版。飾演阿牧的Anson昨晚在社交網站發放千字文,講述對角色與劇組的不捨,以及飾演阿牧的拍攝感受與過程。

【大叔的愛】牧田復合連環錫閃爆 粉絲集氣Edan+Anson Lo拍電影版【有片】

Anson昨晚發放千字文。(instagram圖片)

接演《大叔的愛》感壓力

Anson Lo提到考慮接拍《大叔的愛》時,已經感受到一定的壓力。

他指,看過日劇原版的他擔心演繹不到日版的神髓:「自己一開始係好擔心演繹唔到日版嘅精神,甚至會糟蹋咗日版,令大家失望。但心裏知道哩個係一個好好嘅機會去試練,去測試一下自己繼《男排女將》Bobby一角之後可以做到幾多,所以最後同花姐講『我想拍』。」

【大叔的愛】KK被解職做Darren下屬 網民為黃德斌出頭:俾返間房佢呀!

田牧CP廣受觀眾喜愛。(instagram圖片)

【大叔的愛】KK跪地求婚田田肯首答應 黃德斌Edan婚紗造型驚爆全城【有片】

Anson Lo感謝觀眾支持

講到揣摩阿牧這個角色,Anson坦言在接近3個月的拍攝期間,感到很疲累和吃力,因為阿牧的情緒較多為負面。

劇本上經常要求他演繹出「不是味兒」的感覺,隨著拍攝日子愈來愈長,Anson亦慢慢了解到各種「不是味兒」包含著阿牧的失望、失落、妒忌、心煩與寂寞。

哩兩三個月,我自己有種感覺覺得「Anson Lo」喺哩個世界彷彿消失咗咁。好多時拍攝完返到屋企係好攰,但會有個意識叫自己執下嘢、做下家務。有時搭車返劇組開工嘅車程途中,聽住「阿牧歌單」,望住車窗岀面嘅天空都係灰灰暗暗。可能係絕大部份嘅場口情緒,令自己好似被好多重寂寞嘅氣圍包圍住。

最近好多親戚朋友問我「你喺大叔的愛每次唔開心或者喊嘅時候係諗緊咩?」當時因為有好多場口都係跳拍,全部都唔係跟劇本正常timeline拍,即使拍緊「分手」嗰一場,其實係仲未拍過任何阿牧同阿田sweet、拍拖嘅場口,所以好多時自己只能靠幻想。「分手」嗰一場拍攝之前,我同呂爵安喺間熄晒燈嘅房入面醞釀情緒。當時我不斷幻想嘅係,阿牧同阿田未發生過嘅拍拖日常畫面、阿田同梓芊一齊咗嘅畫面、阿牧提出分手之後入房執行李離開嘅畫面。或者未必係一個好正確嘅方法,但係我當時唯一依賴嘅做法。

Anson又特別感謝每位觀眾、細看每個網民的留言:「哩三個星期就好似每晚都同大家一齊睇電視咁,大家唔單止會聽主題曲同片尾曲,仲會同阿牧一齊聽阿牧嘅歌單,一齊去感受阿牧嘅內心世界,好感恩可以同你地每一位有一個咁大嘅bonding。」

【大叔的愛】田牧愛巢原是「逆流大叔」黃德斌舊居? 鏡粉全包體驗價每晚$2431

劇組於田牧愛巢的合照。(instagram圖片)

繼續努力未敢自滿

當然少不免劇集的編監與所有台前幕後的工作人員,最後更多謝「阿牧」這個角色教會他的事:「好早前我講過『每個人都需要一個阿牧』,因為佢令我明白日常生活上待人處事可以再多啲企喺人哋角度諗、多啲照顧身邊嘅人、佢對愛情嘅執著,同埋提醒我係時候要認真學下煮嘢食😆 」

最後他謙稱:「感激大家對我嘅包容,演戲上有太多地方要學習同努力。希望大家感受到港版大叔的愛嘅認真同埋背後意義,感受到每一個角色嘅投入。」

【不可愛教主】Anson Lo睇「田田視覺」感尷尬 教主盧瀚霆感激神徒愛護【有片】

    點擊圖片放大
    +19
    +18

同場加映:盧瀚霆專訪

撰文 : TOPick柴犬出動