《波士BB 2細祖》開畫勁收逾112萬元　暫成今年荷里活動畫開畫冠軍

動畫電影《波士BB 2細祖》開畫勁收逾112萬港元，成為今年荷里活動畫開畫冠軍。在今集繼續聲演廣東話版波士BB的阿BOB林盛彬得知呢個好消息後，不停表示好開心。

阿BOB稱：「真係好開心！開心係有好成績，多謝電影公司再搵番我配，重加多個好拍黨。更開心係好多人在我社交平台留言話已買咗飛，睇完再留言同我講，睇完真係好好睇。」

至於新加盟波士BB大家庭、聲演今集新進波士的蝦頭（楊詩敏）直言：「開心我們配音嘅電影吸引到大家入場，喺呢個暑假帶到歡樂、刺激、曲折離奇、感動嘅故事。」

同時她表示：「我嚟緊個星期同一個慈善團體（愛在這裏慈善協會）包咗場，讓身體有缺陷嘅人，都享有平等機會，一齊入場欣賞！」