《波士BB 2細祖》開畫勁收逾112萬元 暫成今年荷里活動畫開畫冠軍

娛樂 16:09 2021/07/23

分享:

《波士BB 2細祖》

動畫電影《波士BB 2細祖》開畫勁收逾112萬港元,成為今年荷里活動畫開畫冠軍。在今集繼續聲演廣東話版波士BB的阿BOB林盛彬得知呢個好消息後,不停表示好開心。

阿BOB稱:「真係好開心!開心係有好成績,多謝電影公司再搵番我配,重加多個好拍黨。更開心係好多人在我社交平台留言話已買咗飛,睇完再留言同我講,睇完真係好好睇。」

至於新加盟波士BB大家庭、聲演今集新進波士的蝦頭(楊詩敏)直言:「開心我們配音嘅電影吸引到大家入場,喺呢個暑假帶到歡樂、刺激、曲折離奇、感動嘅故事。」

同時她表示:「我嚟緊個星期同一個慈善團體(愛在這裏慈善協會)包咗場,讓身體有缺陷嘅人,都享有平等機會,一齊入場欣賞!」

撰文 : TOPick柴犬出動