【TOPick 好物試用報告】《the pulse讓孩子玩》親子試玩活動(包親子入場門券及8個攤位Token)

親子好去處 15:15 2021/07/28

分享:

試用專員:Winnie Chan
今年the pulse Endless Summer為大家籌備全港最大暑期市集嘉年華《讓孩子玩》。40,000呎活動場地集結市集、工作坊、遊戲及野餐四大區,最矚目莫過於全港首個小朋友Start Up市集、全港獨有無邊際海景草地野餐區以及近30個新奇遊戲及工作坊!小朋友玩到唔捨得走,好多親子遊戲工作坊,又有小型嘅賣物會。
大人小朋友都啱玩

    點擊圖片放大


試用專員:Anna Poon
大型市集很適合一家大小在暑假的親子活動。有多項stem 活動,最特別是鬼口水製作,由調色添香味加閃粉再攪拌都有導師陪伴製作,小朋友過程相當投入。另一活動推介就是環保袋設計,小朋友可以印出或畫自己喜歡的圖案,製作獨一無二的環保袋。市集還有不用遊戲劵的項目,包括跳彈床,波波池,不倒翁,積木等。小朋友可以無限地盡情地玩,是暑假放電的最佳活動。最後,不忘repulse bay 一個醉人美麗的景色,在天台可以坐在長椅上慢慢欣賞,真的很寫意。

    點擊圖片放大

試用專員:Ellen Cheung
星期日一家四口到The Pulse大型市集玩,由3點玩到7點。小朋友在工作坊付款玩了貼紙畫,職員很有心機和耐性。之後的巨型積木場最吸引小朋友,小朋友在這玩了一個小時, 和其他小朋友砌大型城堡。兩位小朋友樂而忘返,還要求下星期再來。

    點擊圖片放大

試用專員:Wendy Liu
來到zoneC cool啦啦遊戲區 ,小朋友一見到大型波波池 立刻跳落去玩,超興奮!把池內的水泡穿入身體,做出搞笑表情。跟住去到尖叫雞挑釁,小朋友係上面不停跳,啲雞🐥就不停叫🙊🙉 ,非常得意。再向前行就會到巨型積木場 、 鯊魚仔滑梯 、 不倒翁分身局 🌵、平衡力過三關 、LIFEMART扭蛋局 🐣、古典即影即有攝影服務體驗!真係好多野玩!再上rooftop 玩遊戲攤位,又有得玩,又有禮物🎁攞,小朋友真的是樂而忘返!

    點擊圖片放大

 

試用專員:Angel Kwok
小朋友玩得好開心,一入場,便有小朋友主動叫賣佢地嘅物品‼️沒錯,是小朋友sell小朋友,好爆趣!行入一點,就有不同的工作坊可參加,佢地見到有得學整鬼口水,興奮到呢~之後再行入啲,就係免費區,有波波池,充氣城堡,滿地尖叫雞同不倒翁之類玩,佢地剩係哩度已停留不少時間。再行入去,就有用入場送的遊戲劵玩遊戲,我個人認為,最易玩中禮物劵的是拋圈圈(貼士‼️)

    點擊圖片放大

試用專員:Ka Chong
星期六去咗《the pulse讓孩子玩》大型市集,一開始是市集形式,都有小部分的攤位有小朋友賣野,做到大會想做的小朋友間的溝通,我的小朋友亦好開心地幫位哥哥買咗玩具。之後是遊樂場,有波波池,吹氣滑梯等等,首先沒有位置放鞋,所以好多人都著鞋入去玩,也沒有年齡或人數限制,造成了很多不必要的危險性。

天台有攤位遊戲,值得一提的是有個撐船的遊戲,小朋友玩得好開心,真正體會到Row Row Row the boat呀!而野餐位置大家都因為之後下雨的關係而沒有停留太久。

    點擊圖片放大

 

試用專員:Anita Wong

呢個市集嘉年華,真係好好玩。除左有好多特色攤檔之外,仲有好多遊戲攤位俾大人小朋友玩。女女一見到彈床就尖叫要跳喇。爸爸見到射擊遊戲都反老還童爭住玩。仲有免費區既充氣滑梯、尖叫雞池塘等都令小朋友好興奮,大家都玩到好瘋狂。最後仲有福袋同禮物攞,又玩又拎,盡興而歸。

    點擊圖片放大

 

試用專員:Jessica LUK 
多謝TOPICK請試玩, 今次去了位於淺水灣的大型小朋友市集! 《the pulse讓孩子玩》, 主要最吸引我就是由小朋友主打的小攤檔,
感覺到佢地好努力好開心咁同家人SELL自家產品! 希望我們家的孩子也可以試下當店主! 雖然地方真的不算大, 主辨有汲取開業前幾天的教訓, 有改善到人流限制等問題, 大家排隊玩小遊戲都不用半小時以上, 工作人員亦都好有心協助小朋友玩! 有些美中不足是, 最後的積木及玩樂區無攔開, 地下的軟墊常賒被踩到, 或者會發生危險。 玩完市集, 仲可以去沙灘行個圈, 要看看天公造不造美了! 

    點擊圖片放大

 

試用專員:Ling Tam

暑假期間太多時間,又唔知去邊好,我有個好介紹喎!我哋一家人上星期日一齊去咗The pulse既大型市集玩左一個下午呀,唔駛怕唔識去,因為大會安排左接駁小巴來回灣仔地鐵站,每一班大約15-20分鐘。呢度有好多不同既小店舖,好多手作好多小遊戲俾小朋友玩,而且仲要有攤位遊戲,只要玩夠指定分數就可以得到一張禮物換領卡,儲夠就可以換自己想要既小禮物,啲禮物份份都好岩小朋友,所以真係好值得一去,希望我既介紹令你哋都可以同小朋友有一個愉快周日啦。

    點擊圖片放大

 

 

試用專員:Venai Siu

好多謝TOPick請我同仔仔去The Pulse 舉行嘅「讓孩子玩市集嘉年華」試玩,入面主要分市集、工作坊同埋遊戲區🎪一入場,活潑好動嘅仔仔已經一支箭咁飛咗去遊戲區,所以巿集同工作坊都無認真逗留過😅遊戲區入邊嘅遊戲都係要用遊戲劵先可以參加,遊戲包括射槍、拋波、拋環、巨型積木場同快搶尖叫雞等,如果成功過關就會得到禮品券,可以係出口位置換自己鍾意嘅禮物。仲有,大家記得係離開前換領禮品包呀!佢係一個小小沙灘袋,入面有小禮物同coupon 㗎!總括嚟講,仔仔都好滿意今次呢個行程,希望下次有機會再同大家分享啦😉
 

    點擊圖片放大

試用專員:Sandy Yu

「早前帶了兒子到The Pulse「讓孩子玩」暑期市集嘉年華玩,兒子玩得很盡興! 場地集市集、工作坊、遊戲區及野餐區於一身,節目豐富。遊戲區更設有波波池、尖叫雞池、巨型積木、巨型不倒翁等,非常新穎,放電一流!」

    點擊圖片放大

 

試用專員: Puilam So

今次黎左淺水灣既《the pulse讓孩子玩》大型市集!係好新奇既體驗~有遊戲區俾小朋友放電,又有大人細路都啱睇嘅小市集同攤位遊戲,有趣又好玩!而且工作人員哥哥姐姐超級親切有愛心🧡絕對值得一去!

    點擊圖片放大

試用專員: Katherine

今年第一次參與《the pulse讓孩子玩》的市集嘉年華,不得不讚,大會安排了在灣仔有小巴直到,真係非常方便!
會場設置了不同的區域,有市集、工作坊、攤位遊戲、仲有充氣設施等比小朋友自己選擇喜歡的活動,人流控制得非常好,地方尚算闊落,有足夠空間比小朋友玩!
而且非常喜歡「讓孩子玩」的理念,市集的小攤檔全都由小朋友做小檔主,我哋都幫襯其中一檔的小檔主親手幫囡囡畫彩繪,成品仲好靚添啊!入場套票包了8張遊戲卷,囡囡全權決定8張的使用方式,有撐船仔、吹泡泡、拋波波、射槍等不同種類,玩得好開心,贏咗攤位遊戲仲可以換禮物添,玩得好開心,希望下年都可以再參加啦!

    點擊圖片放大

 

 

試用專員: 李小姐

首先多謝你地提供的試用門票比我地一家三口享用左個愉快週末。
我地係起活動最後一天8/8去玩。
我地本先去2樓禮賓部換領門票,但職員叫我地直接到3樓活動場所就可以,上到去職員見到信函叫我地返禮賓部,好彩我地係由下去上去先,呢到我覺得要好好溝通一下,因為禮賓部到活動場所段路都幾遠。
講返個活動先,我地一入門口就見到林林總總嘅手作、禮品買賣嘅攤,不過女女都冇咩興趣,唯一有興趣係有一個畫手腳圖案的,不過價錢貴左啲。
入到去遊樂區,門口第一個遊樂區係我女女玩得最多最開心嘅吹氣彈床!雖然係比較小型,但係女女有得跑跑跳跳已經好開心。
玩完左跳彈床之後,我地就選擇一路行到最入睇曬有啲咩玩先決定,中途見到免費遊樂區,想入去玩,點知係要分時段進入,職員比左張飛仔我地等,幾好安排👍🏻玩左個免費區之後就上左天台玩水,用左2張遊戲卷去玩水槍大戰,有個大水池比小朋友係入面玩水,幾好,如果水多啲同乾淨啲就最好。
總結一下,全個活動我覺得最好係啲職員,大部分都好有愛心同埋佢地幾攰都好,都冇係小朋友面前表現得唔耐煩。點位表揚收費區同免費區穿氣彈床的職員,真係好好👍🏻好有愛心。美中不足係休息的地方不太足夠,免費區旁邊條路太窄,我見證住一位比較大的小朋友比個大人係個窄位轉身撞到,差點發生大型意外。

 

    點擊圖片放大

試用專員: Winnie Hui

好熱鬧好多野玩呀!真係一個假日放電嘅好地方

又有多元化嘅攤位遊戲玩,價錢又唔貴
而且難度唔高,年紀比較細嘅小朋友都有得玩
玩完仲可以換禮物,大滿足
彈床真係好吸引,玩一陣就已經放哂電
估唔到入面仲有好多攤位擺賣唔同類型物品
而佢地都係由小朋友黎充當小檔主,可以俾小朋友嘗試下唔同角色,好特別嘅體驗

    點擊圖片放大

試用專員: sumeng
上星期日,我們全家於淺水灣the pulse 商場參與「the pulse讓孩子玩」,40,000呎活動場地集結小小創業家市集、藝萃工作坊、COOL啦啦遊戲區及無邊際海景野餐區四大區。小朋友在市集和工作坊的數十個攤位,購買或自製文創手工,感受地道情懷與藝術氣息。COOL啦啦遊戲區就最吸引小朋友,有不用遊戲劵的玩樂項目,包括泡泡Disco、尖叫雞的挑釁、跳彈床,波波池,不倒翁、巨型積木場等,令精力旺盛的小朋友盡情放電。小朋友更喜歡精彩好玩的互動遊戲、刺激有趣的運動競賽,包括:射槍、拋圈、投籃等,最重要是每個遊戲達成目標便有禮物卷,可以換自己選擇的玩具,又玩又拎,令小朋友滿載而歸。

    點擊圖片放大
    +2

試用專員:Kari Ng

《讓孩子玩》 遊戲區分別在淺水灣the pulse商場3樓及天台兩個場地,地方大而又可以室外室內。我特別推介引人注目嘅「尖叫雞的挑釁」,小朋友在過百隻尖叫雞組成的池塘內不停繃跳,尖叫雞不斷發出怪聲,真係好過癮! 而媽媽覺得著住暴龍裝的大娃和小娃在不倒翁區內「執雞」的場面,攪笑又可愛;至於部分遊樂設施由藍屋提供,👏🏻由藝術家用創意把舊物轉生成新玩具,讓孩子明白二次創作和循環再用的可行性,富有趣味啟發!

 

    點擊圖片放大

試用專員:Peggy Tse

 

好開心可以參加讓孩子玩市集嘉年華,首先場地在室內非常好,場內所有活動遊戲也很適合小朋友,讓小朋友玩過痛快,所有安排嘅活動也不用等太久,還有小賣部和休息區,讓我們一家渡過一個愉快的週末,謝謝。

    點擊圖片放大

 

試用專員:Yan QinQin

週末約埋朋友,帶埋三個小朋友一齊去玩。今次《the pulse讓孩子玩》呢個主題比較吸引我。得確,我家小朋友每日都吵住要玩呢樣果樣。

市集位於清水灣海灘,灣仔有接駁車安排,我覺得幾好。場內佈置有少少驚喜,好多打卡位。入場後,穿過工作坊,就來到小朋友最期待嘅地方,任玩積木、波波池、充氣玩具等。仲有好多攤位遊戲可以扣飛仔玩。

三個小朋友玩到唔願走,直到玩到精疲力盡。今次真係玩飽玩夠啦!唯一少少遺憾係市集週末,冇限制到人數,由於太多人,碰撞、爭執在所難免,冷氣唔夠。

今次有幸成為試用專員,有機會同小朋友一齊玩,徹底放電,留底歡聲笑語與美好回憶!

    點擊圖片放大

 

試用專員:Sonia Leung
當日係灣仔已經有接駁小巴可以坐,大概20分鐘一班,一落車對面已經係商場了,入到去商場其實好舒服,好多野睇,又有野食,跟住指示去到市集,入面好多個攤位,有做手功,有DIY,有小遊戲等等。

再行入啲有啲波波池同埋其他小朋友玩野地方,但當日真係太多人,大人又多小朋友又多,記得個女想玩個吹氣滑梯,但太多小朋友,有啲大個啲既小朋友又係度跳,結果啲小朋友則哂一邊,一個壓一個……當時個情況都好危險,係呢一方面大會應該要留意下!

另外,上到天台,其實個環境好靚既,不過有啲攤位明明有工作人員係度,但佢都唔俾小朋友玩,要家長同小朋友一齊曬足15分鐘,有啲奇怪,但呢個市集都係一個幾好既體驗,如果地方寛濶啲就仲好喇😍

    點擊圖片放大

試用專員:Christy Leung
今次做了TOPick 好物試用員, 試左《the pulse讓孩子玩》。真是太太太好了。

這個暑假小朋友終於可以名正言順大玩特玩。

小朋友玩齊每一個遊戲項目, 開心得黎又好放電。

當中小朋友最鐘意就係坐船仔, 可以自己控制船的方向, 自己想去邊就去邊,過足癮。

另外扮下恐龍仔都相當搞笑。

真是難忘回憶的一天。走時小朋友仲話下次要再黎。

    點擊圖片放大

試用專員:Jenny
小朋友的簡單快樂「讓孩子玩」嘉年華

作為working mom,或多或少都會以物質作為不能常陪伴女兒的補償。直至最近

要安排適合一家大小的夏天親子活動真不簡單。

既漫長又炎熱又潮濕的夏天,最適合室內活動。當然最好的是地方寬躺,節目豐富,可以讓小朋友放電之餘,又可以令大人放輕鬆。這個暑假帶小公主Jane 去位於赤處,由the pluse   Endless Summer 舉辦的暑期市集嘉年華「讓孩子玩」。

嘉年華位於商場的天台,佔地40既有落地大玻璃窗坐擁藍天白雲海景,提供市集、工作坊、遊樂場,是小朋友放電的好地方。我家的小公主Jane一進場看見滿場飛的小朋友及大量色彩繽紛的遊戲坊,馬上進入忘我狀態。先玩波波池,然後是鷄鷄池,還有巨型積木,與同埸的小朋友開心share。

商場位於渡假勝地赤處,除了讓小朋友盡興,大人們亦可放空。

    點擊圖片放大

試用專員:Ice Wong
又係執相事後Post,呢個活動完全體會到希望越大失望越大既感覺。

其實我係講緊之前係淺水灣攪既 <<the pulse讓孩子玩 >> ,其實知道有呢個活動時己經預晒時間,約埋朋友,因為覺得好正😍,應該好好玩👍🏻。之後仲知道原來大會安排左小巴🚌係灣仔有專車直到🤩,果時都仲覺得主辦單位安排好好,好貼心💪🏻。

首先講下我地先,一行人總共三個家庭,夾埋成10個人頭係到,有大有細。預左一定會玩得好開心好夜😹,穎霖媽仲帶埋泳衣👙🩳諗住玩完再轉戰沙灘。

去到時其實感覺都有d亂既🤨,因為指示唔算清楚,我地都揾左2次先揾到入口,而穎霖媽我同穎穎係受邀請去既,所以霖霖同爸爸就同朋友一齊買飛入。佢地既票價係分左幾種既,咁唔同票價包既token 數量都有唔同,就要睇下小朋友們究竟想玩咩而決定買邊款先係最抵喇。

但係最估唔到既係,係門口未入場,居然有位叔叔問穎霖媽:

叔叔:你地係唔係岩岩到?

穎霖媽:係呀!

叔叔:咁呢D token 俾埋你呀,我地玩唔晒…..

穎霖媽:下….入邊唔好玩呀?唔玩埋?(第一時間覺得,俾錢買完唔玩咁晒?😅)

叔叔笑而不言 都因為呢位叔叔,穎霖媽個心打左個底。

入到去,穎穎同霖霖有好多工作坊都好想玩,當然係好吸引既,不過穎霖媽覺得約左朋友黎又諗住玩沙灘,工作坊太晒時間喇。

所以就一直拉佢地向前行,直至到左玩樂區,媽咪我第一時間同爸爸講不如你帶霖霖去沙灘玩,我同家姐行個圈,睇左係咩黎先再決定同穎霖玩咩,就係因為咁就得返我同穎穎喇。

其實點解我會咁講呢?因為我見到所謂既玩樂區,原先要除鞋入去玩,但係…近通道一邊部份人都著鞋行左入去,最令我驚訝既係😱,入邊既充氣彈床,眼見己經有起碼5個或以上既小朋友係入面,仲有堆係後面入緊,就咁睇己經覺得個彈床頂唔住,但係冇大人停小朋友,又冇工作人員停人龍😫…….我知道霖霖見到一定會衝去玩,所以我有左呢個決定。

其實穎穎都好想入去,但係問心我覺得人太多,同埋望落去冇咩工作人員,我就同穎穎講再行下先,好彩行到最入(第一次去錯果個門口果度)有d攤位遊戲吸引到穎穎,如果唔係都唔知點阻止佢入去玩。

但可惜係一個咁熱既天氣🥵,排長龍,室內居然😧冇冷氣,用風機😣,果下呆左😵,但係因為唔想穎返前面區域玩,我就幫佢手排隊,快D手玩完離開😑。小朋友就覺得冇咩既,係熱囉🙄,果刻我就明白點解個叔叔會俾token 我喇。

其實果度風景靚,又多唔同攤位,小朋友一定好開心,而穎霖當日都表示好開心架,但係要媽咪我睇住咁危險都俾佢入去玩,情願唔玩,講真我地住咁遠係果度都撞到朋友仔,證明大家都覺得吸引,不過可能人手或者實行方面都未係好到位,所以希望主辦單位如果下次再攪,真係吸取多d經驗,咁就大家玩得開心又放心嘛。

    點擊圖片放大
    +6
    +5

試用專員:Ho Yung Yung

感謝topick送我試玩活動體驗
The pulse地點方便
又鄰近海灘
風景一流
The pulse有室內同天台場地俾小朋友玩
每項活動都好好玩
排隊又唔需要排好耐
玩完攤位遊戲仲可以換禮物
令小朋友更投入

    點擊圖片放大