【東京奧運】鄭中基分享爆笑旁述金句 網民起哄接龍:邊個領先邊個就有優勢

娛樂 11:00 2021/08/06

分享:

鄭中基出po講「精采」奧運旁述。

東京奧運進行兩星期,快來到尾場,港隊今屆締造多個歷史性佳績,市民既緊張又自豪。昨日鄭中基在社交平台開po,講明想聽今屆奧運「精彩」旁述,並自己先開了頭分享兩個金句,結果一日內得到逾兩萬個讚好及過千留言,不少旁述金句十分爆笑。

今年東京奧運成全城盛事,不少藝人都有緊貼賽事,及在社交平台分享感受。「暴龍哥」鄭中基也不例外,他昨日在facebook留言:「適逢奧運又嚟啦,大家肯定聽到好多『精彩』嘅旁述,我自己都聽唔少,聽到我肚都痛埋。。。笑到 唔啱你哋又貢獻吓」

鄭中基都十分留意奧運。(取自facebook)

【東京奧運】網民提議跟MIRROR友賽 謝影雪接受挑機:用右手又點話

鄭中基率先開場:「我嚟先:開波嗰個就要決定個波去邊。」「李慧詩跌咗落復活賽,佢一定好想復活!」

之後網民起哄加入接龍,其中前主播伍家謙也有玩埋一份,留言:「三兩屆之前聽過一個:踢波嘅會交換波衫,你哋游水運動員會唔會交換泳褲㗎?係咪即場交換?」

不少網民和應家謙,表示: 「游水係唔會交換泳褲嘅。不過跳水就有機會囉! 你知啦,咁高跳落去,泳褲有時都會甩㗎! 咪當送俾下一個囉!」

    點擊圖片放大
    +5
    +4

其他網民精采留言:

睇跳水:佢十隻腳趾有八隻都喺晒出面!(咁另外兩隻喺房入面嗎?)

場地單車賽打最後一圈鐘聲,旁述:「鐘聲響起歸家的訊號!」

係場地單車賽又係呢位旁述:「見到另一位荷蘭選手,佢都係荷蘭勁咁比賽」呢位旁述荷蘭勁呀!

9:9, 邊個10分先贏面大啲

個浪真係唔夠大 起碼要有d海嘯咁嘅浪先夠高

我個旁述係隔離老母,睇排球、乒乓波,佢話個波猜黎猜去,總有一邊會輸

自由式游水比賽「睇佢每一下動作都係向前」

一分一分咁追返上黎

俄羅斯消委會

呢個殺波好暴力,根本唔講道理嘅

踩滑板對波鞋個特性要係平底

佢打到咁出力 一定好想贏

我好記得得12年奧運,無線評述員話:「長江後浪推前浪,前輩死係沙灘岸。」當時打緊沙灘排球

呢位運動員,應該用咗好長時間去預備今次比賽!」(有邊個唔係?)

田徑運動員一起跑,佢地就向前衝去終點

同場加映:Anson Lo訪問

撰文 : TOPick柴犬出動