【七公主】高海寧演喊戲感染力強 高Ling直認數度崩潰:同個角色有共鳴

娛樂 15:00 2021/08/17

分享:

《七公主》

TVB新劇《七公主》內,性感女神高海寧(高Ling)一改形象飾演男仔頭司機顧青桐,角色性格火爆卻重情重義。

昨晚《七公主》劇情講青桐因前男友再度捲入官非,陷坐監危機,大狀家姐顧靈珊(黃翠如飾)見狀遂出手助其脫險。

顧青桐性格倔強,但絕對係外剛內柔類型。

高Ling庭上痛哭

由於表面證供對青桐不利,靈珊無計可施下當眾揭露青桐不為人知的慘痛過去博取勝算,原來青桐因未成年誤入歧途兼懷孕,在女童院誕下女兒後被逼母女分離;對於傷心往事被提起,性格硬朗的青桐亦忍不住在庭上崩潰痛哭。

短短數分鐘戲份,高Ling先後演繹了不忿、感慨、逃避、委屈、沉痛、倔強等多種複雜情緒,眼淚更是非常自然的落下,看得網民大呼心痛:「Feel到佢嗰種Sad」、「佢做戲愈嚟愈好」、「明顯嘅進步」、「想睇佢做多啲唔同嘅戲」,更有網民肉緊擔心謂:「唔知搵唔搵得番個女」。

該留言一出,即引來大批「熱心之士」,紛紛尋找青桐女兒「蹤影」:「我估係救隻狗要翠如幫嗰個細路女」、「但生B已經16-7年前,個細路女又太細喎。」

更有網民維基細路女資料查探可能性,十分搞笑。另有網民力撐靈珊強硬做法,並直指傷心總好過坐監,足證觀眾看得肉緊。

顧青桐性格倔強,但絕對係外剛內柔類型。

高Ling數度崩潰

對於喊戲惹來高度討論,高Ling謙稱全靠監製陳維冠(Joe)信任及事前悉心指導:「阿Joe有同我哋圍讀,有執我哋語氣同動作,所以演時好有信心。」

高Ling笑指顧青桐開啟了潛藏其體內的麻甩基因,並坦言昨晚播出的喊戲是劇中數一數二難演場口:「既有仇恨又要扮堅強,內心又有種粉碎晒嘅痛。」

她直言拍攝時數度崩潰:「因為呢個角色唔會喺人前喊,但又始終都係人會崩潰。呢場戲係一take過,我做嘅時候都好心痛,戥個角色心痛。」

黃翠飾演顧靈珊。

每位公主性格獨特

高Ling又謂與青桐這個角色很有共鳴:「大家都係表面上嘻嘻哈哈,但其實內心承受緊好多嘢。」

Joe曾透露高Ling拍畢該場口後還一直哭個不停,對此高Ling坦言全因拍攝時不能盡情將痛苦情緒釋放:「因為一路要忍住唔可以喊到盡,所以一路hold住咗個情緒,所以反而cut咗機之後爆喊。」

高Ling續指自己性格雖然感性,但絕不易哭,故此拍攝當日事前也有盡量獨處幫助投入情緒。

對於林夏薇及高海寧先後跑出,Joe笑言好戲在後頭:「每位公主都有自己嘅獨特之處同令人難忘嘅場口,所以大家鍾意嘅話要繼續追落去,一定會有更多驚喜。」

撰文 : TOPick柴犬出動