【明星扮靚】張新悅產後坐月暴肥 4孩之母靠一個方法修身做靚媽

娛樂 10:42 2021/08/29

分享:

靚媽張新悅孕後努力keep fit保好身段。

現年45歲的張新悅自2007年與楊哲安結婚後,夫妻十分恩愛,夫婦一共生了4個女。張新悅由人妻再4度升呢為人母,但仍然保持美好身段。

張新悅在由關心妍、孫慧雪、張美妮主持的網上節目《靚媽圍爐》任嘉賓。張新悅婚後專心相夫教女外,原來用跑樓梯、一日敷三次面膜來凍齡keep fit ,聽到三位主持也嘩嘩聲。

最新影片推介:印裔港生讀科大神科畢業投身金融盼脫貧

不強迫女兒補習

張新悅謂一直沒想過自己會是4女之母,生了兩個後已經覺得要「封肚」停產,後面兩個都是不小心後又不小心而來的。

現在大女12歲,二女10歲,三女6歲,最細一個3歲,坦言做4個女兒的母親並不容易,當4個小朋友一起嘈住玩時,有時會嘈到她頭痛,而現在的小朋友又要溝通又要尊重,為了父母就更加吃力,她常要每個女兒分配不同私人時間讓她們覺得受到重視,所以也勞心勞力。

    點擊圖片放大
    +4
    +3

至於教女法則,張新悅說自己一直都是「求學不是求分數」從來不強迫、從來不曾帶去補習,只會讓他們參加興趣班,畫畫跳舞。

不去迫她們,反而令女兒們自動自覺讀書、自動自覺學習:「個大女曾經話,考試得C,別人有補習就有A,自己好似好醜,我就話冇人幫你你都C,已經係得到人哋地個個A一樣級數。哈哈。」

靠一招零妊娠紋

關心妍,孫慧雪、張美妮對張新悅教女方式讚嘆外,對她保持身材、凍齡有術都驚嘆不已。張新悅自爆因為怕大肚有妊娠紋,所以懷胎開始就不停抹油,抹到連衫都是油蹟味,但日子有功,又竟然一條紋都沒有。

她每次生完坐月亦都跟足傳統,一個月不外出兼不洗頭,而且她對飲食很嚴格,從不吃甜食,煎炸,垃圾食物也不放進口。

可是她自爆孕後也曾暴肥:「其實都肥過,肥到連我媽咪都話我好停,要keep返下。」而她修身就是靠一個方法----做帶氧運動。她回憶說:「我就開始係屋企跑樓梯囉,跑十幾二十層.....跑步要出街,跑樓梯唔駛嘛,同埋係屋企跳繩囉,我跳近千次成個人濕曬先停。」

至於保養皮膚方面,張新悅分享:「我成日做面膜,一早一晚每日兩次,有時得閒做3次添,哈哈,可能係咁關係,所以重叫保住得幾好。」

    點擊圖片放大
    +5
    +4

蘇絲黃教整沙律

此外,靚媽圍爐最近又請了蘇絲黃教關心妍及張美妮整減肥沙律,兩位靚媽學得非常開心。關心妍原來是蘇絲黃粉絲,所以今次第一次跟蘇絲黃學煮東西,簡直是覺得夢想成真。

節目中,張美妮七手八腳連砌蘋果都搞唔店,被阿蘇鬧: 「你可唔可以乾淨一些?你嫁咗未?邊個咁不幸係你老公?」搞到美妮面都紅曬,十分搞笑。

阿蘇講到自己最初教煮食班,見到白白痴痴學員,自己頂不住直退回700多元給對方,同對方講拜拜。

    點擊圖片放大
    +4
    +3

不過現在就學會積陰德,少鬧人一些,搞講到這裡,阿蘇突然向美妮道歉:「對唔住剛剛都鬧咗你一下,人哋砌蘋果,砌到三尖角係人地自由,我真係又多口,我依家同你講句對唔住。」搞到美妮又尷又好笑。

阿蘇又話自己同金燕玲在疫情期間都肥了10多20磅,所以最近去見營養師,跟營養師的飲食指導後,真的減了不少磅。

同場加映:七仙羽人氣急升不怕行家眼紅 七師傅:妒忌別人不如做好自己

 

撰文 : TOPick柴犬出動